Putuputuraa no te taviniraa no Tenuare

Hebedoma o te 5 no Tenuare

Himene 10

8 mn: Parau faaara. Mau parau faaite e tano a Te taviniraa o te Basileia.

17 mn: “Ia au roa tatou i te horoa i te hoê faaiteraa taatoa.” Aparauraa e te feia i tae mai no nia i te tumu parau. A haamatara i te mau tuhaa faufaa o te hoê faaiteraa aravihi: 1) A aroha maitai atu i te taata, 2) a horoa i te tahi manaˈo aore ra a faahiti i te hoê uiraa no nia i te tahi parau apî, 3) a faahiti i te hoê irava Bibilia e tano e 4) a huti i te ara-maite-raa o te taata i nia i te buka e pûpûhia ra. Faahiˈoraa ravehia e te hoê taata poro aravihi no nia i te hoê faaiteraa e horoahia ra e te hoˈi-faahou-raa e farerei.

20 mn: E faaineine anaˈe ia tatou i teie nei iho no te faatura i te ture a te Atua no nia i te toto. E faataa te hoê matahiapo aravihi i te faufaaraa ia faaî i te tareta ra “Attestation prévisionnelle.” Te faaite ra te mau parau faauruahia i roto i te Salamo 19:7 e ua riro te faaueraa i horoahia i roto i te Ohipa 15:28, 29 ei faahitiraa no te ture tia roa a te Atua no nia i te toto. Te tutava nei ta ˈna mau taata haamori haapao maitai i te faatura i te reira. Te faaite nei teie parau i to tatou hinaaro papu i roto i teie tuhaa e te paraparau nei no tatou ia ore anaˈe tatou iho e nehenehe e paraparau. (Hiˈo Maseli 22:3.) Na roto i teie tareta apî, e nehenehe e vauvau atu i te hoê faaiteraa faaapîhia no nia i te patoiraa i te toto. I muri aˈe i te putuputuraa, e horoahia te hoê tareta apî na te mau Ite bapetizohia e hinaaro ra, e te feia e tamarii ta ratou aita i naeahia te matahiti e aita atoa i bapetizohia, e horoahia ïa na ratou te hoê “Document d’identité médical” no te tamarii tataitahi. A faaî maitai i ǒ outou e a tarima. E haapapu te matahiapo i te faufaaraa no te taata tataitahi ia faaî maitai i teie mau parau e ia rave noa i nia ia ratou. Mai te peu e e hinaaro ratou, e nehenehe te feia poro bapetizo-ore-hia e papai i ta ratou iho faaueraa no ratou e no ta ratou mau tamarii, ma te faatano i te mau parau a te tareta i to ratou iho huru tupuraa e ta ratou mau tiaturiraa. (A faahiti i te mau haamaramaramaraa i horoahia i roto i ta matou rata HIA o te 14 no Atopa 1997 i faataehia i te mau tino matahiapo atoa. A taio e a faataa i te parau ra “Autorisation de soins pour les enfants—Aide-mémoire.”)

Himene 142 e pure faaotiraa.

Hebedoma o te 12 no Tenuare

Himene 125

10 mn: Parau faaara. Tabula faufaa moni.

15 mn: “E aratai anaˈe i te mau taata i roto i te faanahonahoraa.” Aparauraa e te feia i tae mai.

20 mn: “E horoa o Iehova i te puai hau aˈe i tei matauhia.” Ma te mau uiraa e te mau pahonoraa. (Hiˈo w90-TH 1/7 api 29, par. 15-16.) A ani i te tahi feia ia faatia mai i te mau parau faaitoito e faaite ra e mea nafea to Iehova haapuairaa ia ratou.

Himene 81 e pure faaotiraa.

Hebedoma o te 19 no Tenuare

Himene 1

10 mn: Parau faaara.

15 mn: Mau hinaaro o te amuiraa.

20 mn: Te hoê haapiiraa utuafare o te hopoi mai i te oaoa. E paraparau te hoê taeae e ta ˈna vahine no nia i te mau hinaaro pae varua o to raua utuafare. Te haapeapea nei raua no te mau mana iino ta teie nei ao e faahepo nei i nia i ta raua mau tamarii, e no reira, te taa ra ia raua i te faufaaraa ia haapuai i ta raua mau tamarii i te pae varua, tera râ, e farii raua e aita te haapiiraa utuafare i faatupu-tamau-hia e mea pinepine, aita i tauturu aˈe ia ratou. E tuatapapa amui raua i te mau manaˈo tauturu e faataa ra e nafea ia faatere i te hoê haapiiraa utuafare au maitai, i roto i Te Pare Tiairaa o te 1 no Atete 1997, api 26-29. E faaoti papu raua toopiti atoa e imi i te mau ravea atoa no te paruru i te maitairaa o ta raua mau tamarii i te pae varua.

Himene 146 e pure faaotiraa.

Hebedoma o te 26 no Tenuare

Himene 187

12 mn: Parau faaara. A faataa mai i te buka ta tatou e pûpû i te avaˈe Febuare. A faahiti hoê aore ra e piti manaˈo o te buka Apokalupo: tatararaa hopea o te tauturu ia tatou ia pûpû i teie buka.

15 mn: “E faatura anaˈe i te vahi haamoriraa a Iehova.” Aparauraa ma te mau uiraa e te mau pahonoraa arataihia e te hoê matahiapo o te faatano ma te aau maitai i te mau manaˈo i nia i te amuiraa.

18 mn: Te mau tabula no nia i ta tatou tuhaa i roto i te ohipa pororaa na te ao nei. (Ia au i te buka ra Notre ministère, api 101-102, 106-110.) Oreroraa parau e aparauraa ravehia e te papai parau. I muri aˈe i to ˈna faaiteraa e, no roto mai te peu e horoa tamau i te tabula o ta tatou ohipa, i te Bibilia, e titau manihini oia e piti tavini tauturu ia hiˈopoa i te upoo parau ra “Te tumu e tapaohia ˈi te mau tabula.” I muri iho, e haamatara te papai parau i te faufaaraa ia horoa oioi i te mau tabula taviniraa tano. E faahiti oia i te mau tumu no reira e mea maitai ia haamau tatou i te mau fa no tatou iho, e e faaoti oia na roto i te tahi mau parau faaitoitoraa no nia i te mau haamaitairaa e fanaˈohia e te feia e apiti rahi atu i roto i te taviniraa.

Himene 189 e pure faaotiraa.