Putuputuraa no te taviniraa no Atete
Hebedoma o te 5 no Atete
Himene 56
10 mn: Parau faaara. Mau Parau faaite e tano a Te taviniraa o te Basileia.
20 mn: “E faaite anaˈe i te parau apî maitai ma te tuutuu ore.” Oreroraa parau e aparauraa e te feia i putuputu mai. A faahiti i te tahi mau manaˈo no roto mai i te buka ra Auxiliaire pour une meilleure intelligence de la Bible, api 1216, § 7.
15 mn: “E poro anaˈe i te parau apî maitai o te Basileia maoti te mau vea iti.” (§ 1-5). A faaohipa i te paratarapha matamua no te omuaraa parau. A horoa i te tahi mau manaˈo faaitoito no nia i te faufaaraa o te mau vea iti ra E oaoa e a muri noa ˈtu e “Inaha” i roto i te pororaa. A faanaho e maha faahiˈoraa faaineine-maitai-hia e faaite ra e nafea ia faaohipa i teie mau vea iti i te farereiraa matamua aore ra i roto i te hoê hoˈi-faahou-raa e farerei. Na te hoê taata poro apî, apeehia e to ˈna papa aore ra to ˈna mama, e rave i te mau faahiˈoraa no nia i te vea iti ra E oaoa e a muri noa ˈtu. E hinaaro paha te feia poro e pûpû i te tahi atu mau vea iti ma te faaohipa i te mau faaiteraa i horoahia.
Himene 136 e pure faaotiraa.
Hebedoma o te 12 no Atete
Himene 192
15 mn: Parau faaara. Tabula faufaa moni. A horoa i te tahi mau manaˈo faaitoito no nia i “Te mau ravea no te turu,” ma te faaohipa i Te Pare Tiairaa o te 1 no Titema 1993, mau api 29-31.
15 mn: “E poro anaˈe i te parau apî maitai o te Basileia maoti te mau vea iti.” (§ 6-8). A faaite poto noa i te mau mea i roto i te vea iti ra Faatereraa. Mau faahiˈoraa e te mau faaiteraa i horoahia no te aparauraa matamua e te hoˈi-faahou-raa e farerei. A faaitoito i te taata poro tataitahi ia hoˈi faahou e hiˈo i te feia i farii i te mau buka.
15 mn: “Te turu nei te mau ô no te ohipa a te Taiete na te ao nei i te mau ohipa faarahiraa.” Oreroraa parau ieie na te hoê matahiapo. Maoti te Annuaire, a horoa i te tahi mau numera e haapapu ra i te mau haereraa i mua o te ohipa o te Basileia i roto i te tahi mau fenua i faahitihia.
Himene 9 e pure faaotiraa.
Hebedoma o te 19 no Atete
Himene 174
10 mn: Parau faaara. A tuatapapa i te tumu parau “Pahonoraa i ta outou mau uiraa.”
15 mn: “O vai tei aravihi no te poro?” E tauaparau te hoê matahiapo i nia i te tumu parau e e piti aore ra e toru taata poro. A haamatara i te mea e te fanaˈo ra tatou i te faaineineraa maitai roa ˈˈe no te riro ei mau tavini no te Atua. Aita e tumu ta tatou no te manaˈo e ere tatou i te mea aravihi no te poro.
20 mn: “Nafea ia faariro i te mau taata ei pǐpǐ maoti te buka Te ite.” Aparauraa e te feia i putuputu mai i nia i te mau paratarapha 17-26 o te api hau o Te taviniraa o te Basileia no Tiunu 1996. A faanaho maa taime no te faatia i te tahi mau aamu no ǒ nei no nia i te feia poro e faatere ra i te mau haapiiraa maoti te buka ra Te ite. E nehenehe ratou e faataa ma te faaitoito e mea nafea to ratou faaohiparaa i te mau manaˈo i roto i te api hau e mea nafea te reira i te tautururaa ia ratou ia faatere i te mau haapiiraa Bibilia e haere noa ra i mua. A faaitoito i te feia poro atoa ia faaherehere i teie api hau e ia hiˈo faahou ratou tataitahi i te mau taime atoa e haamata ˈi ratou i te hoê haapiiraa apî.
Himene 189 e pure faaotiraa.
Hebedoma o te 26 no Atete
Himene 104
10 mn: Parau faaara. A tuatapapa i te tumu parau “Te mahana tairururaa taa ê apî.”
20 mn: A anaanatae atu i te haapiiraa a ta outou mau tamarii. Oreroraa parau na te hoê matahiapo. A tuatapapa i te mau manaˈo i roto i te vea iti ra Te mau Ite no Iehova e te haapiiraa, mau api 2-5, e faaite ra e te mauruuru nei tatou i te faaineineraa faufaa roa ˈˈe e horoahia ra i te fare haapiiraa. A faaite e nafea ia faataa ma te aravihi i te mau orometua haapii te tumu tatou e titau ai na mua i te mau tapao i te pae varua, eiaha râ te hoê toroa. A rave faahou i te mau manaˈo o te “Tuhaa hopea,” api 31. A faaitoito i te mau metua ia faaohipa i te mau manaˈo i roto i te A ara mai na! o te 8 no Setepa 1988, api 11 (farani).
15 mn: Te buka ta tatou e pûpû i te avaˈe Setepa. E pûpû ïa tatou i te buka ra La vie: comment est-elle apparue? Évolution ou création? A faaite e ua rau te mau tumu parau i roto i teie buka. Te tuatapapa hohonu ra te mau pene 1-15 i te aimârôraa no nia i te faraa mai te ora i nia i te fenua nei; te ui ra te pene 16 i te hoê uiraa e haafeaa ra i te mau taata atoa: “No te aha te Atua e faatia noa ˈi i te mau mauiui?”; te faatupu nei te mau pene 17-18 i te faaroo i roto i te Bibilia, ei Parau a te Atua faauruahia o te nehenehe e tiaturihia; te huti ra te mau pene 19-20 i te ara-maite-raa i nia i te parau apî maitai o te Basileia no nia i te oraraa i nia i te fenua e faarirohia ei Paradaiso e te faataa ra e nafea ia fanaˈo atu. Faahiˈoraa: E faaohipa te hoê taata poro aravihi i te hoê o teie mau manaˈo no te pûpû poto noa i te buka ra Création. E nehenehe e pûpû i te mau buka ra Nafea ia faatupu i te hoê oraraa utuafare oaoa e E nehenehe oe e ora e a muri noa ˈtu i roto i te paradaiso i nia i te fenua nei mai te peu e te vai ra ta te amuiraa.
Himene 113 e pure faaotiraa.