Hiˈo-faahou-raa no te Haapiiraa o te taviniraa teotaratia

Hiˈo-faahou-raa ma te tapiri i te buka no nia i te mau tumu parau i tuatapapahia i roto i te Haapiiraa o te taviniraa teotaratia i te hebedoma no te 1 no me e tae atu i te 21 no atete 1995. A papai i te mau pahonoraa o te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.

[Nota: I roto i te taime faataahia no te hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]

A tuu “tano” aore ra “hape” i muri aˈe i te mau pereota i muri nei:

1. Ua riro te haamoriraa i te Atua ei tumu parau no te taata tataitahi e aita roa ˈtu i niuhia i nia i to tatou mau taairaa e o vetahi ê. (Ioane 1, 4:20) [uw api 134 par. 7]

2. Ua niuhia te aˈoraa ta te tino aratai i horoa i te mau kerisetiano no te mau nunaa oia hoi ia haapae ratou i te haamoriraa idolo, te toto, e te poreneia, i nia i te Ture a Mose. (Ohipa 15:28, 29) [uw api 149 par. 8]

3. I te omuaraa, ua faataahia te Ture a Mose no te taatoaraa o te huitaata nei. (Sal. 147:19, 20) [uw api 147 par. 5]

4. E au te pene 53 o te buka Isaia, papaihia e tau 700 matahiti na mua ˈˈe te fanauraahia te Mesia, mai te hoê aamu oraora tei ite-mata-hia no nia ia Iesu Mesia e te ohipa ta ˈna i faaruru. [si api 112 par. 8]

5. Te mau parau a Solomona i roto i te Koheleta 3:1, 2 no nia noa ïa i te tau ohuraa tamau o te ora e te pohe e ere râ no nia i te oraraa faataa-aˈena-hia o te taata tataitahi. [Taioraa o te Bibilia; hiˈo w91 1/10 api 5.]

6. Aita hoê noa ˈˈe pu o teie nei ao e nehenehe e faaaifaito atu i te mau aˈoraa papu ta te Bibilia e horoa ra no nia i te oraraa utuafare. [uw api 144, par. 11]

7. Te tuatapapa nei te buka Maseli i te hohonuraa o to tatou mau fifi na roto i te aˈoraa ia tatou ia tuu i to tatou tiaturiraa taatoa i te Atua. [si api 105 par. 35]

8. Te mau metua e vaiiho nei i ta ratou mau tamarii ia mataitai i te mau hohoˈa atoa e patahia ra i roto i te afata teata ma te taotia ore, mai te huru ra e te vaiihohia nei ratou ia rave mai ta ratou e hinaaro nei. (Mas. 29:15) [Taioraa o te Bibilia; hiˈo w88 1/8 api 9 par. 8.]

9. Ia tupu anaˈe te mau fifi i roto i te faaipoiporaa, eita te hoê kerisetiano mau e faaohipa ma te miimii i te mau hapa o to ˈna hoa faaipoipo mai te hoê otoheraa ia ore o ˈna e amo i ta ˈna iho mau hopoia. [uw mau api 140-1 mau par. 4, 5]

10. Te parau nei o Solomona i roto i te buka Koheleta e mea faufaa ore te mau mea atoa aita e faataaraa. [si api 108 par. 15]

A pahono i te mau uiraa i muri nei:

11. Eaha te faaueraa tumu e haapapuhia ra i roto i te Exodo 20:7? [uw api 152]

12. O vai na toopiti i roto i na arii e maha tei faatere i nia ia Iuda a tavini noa ˈi o Isaia ei peropheta? [si api 112 par. 3]

13. Mai tei faataahia i roto i te Isaia 14:4, 12-14, no vai te haerea ta te arii no Babulonia i faahohoˈa? [Taioraa o te Bibilia; hiˈo w85-F 15/3 api 13 par. 2.]

14. Ia au i te Exodo 19:10, 11, eaha ta Iehova e titau ra i to ˈna mau taata haamori? [uw api 152]

15. O vai te taata tiai i to tatou nei tau, e eaha ta ˈna e faaite nei? (Isa. 21:8, 12) [Taioraa o te Bibilia; hiˈo w87 1/3 api 6 par. 10.]

16. No te aha te Koheleta e faaite ai i te hoê manaˈo tano ore no nia i te mau buka? [Taioraa o te Bibilia; hiˈo w87-F 15/9 api 25.]

17. Ia au i te Maseli 1:2-4, eaha ta te buka Maseli e haafaufaa nei? [si api 104 par. 19]

18. Eaha ta Paulo i hinaaro e parau i to ˈna aˈoraa i to Korinetia ia “mahora”? (Kor. 2, 6:13) [uw api 137 par. 14]

19. Nafea te here e “uˈana rahi” ai “mai to te pohe ra”? (Sire 8:6, 7) [Taioraa o te Bibilia; hiˈo w87-F 15/11 api 25.]

20. Eaha te mau haapiiraa faufaa e faaitehia ra i roto i te Sire nehenehe a Solomona? [si api 111 par. 16]

A faaî i te mau area i vaiihohia i roto i te mau pereota i muri nei:

21. Noa ˈtu e aita tatou i raro aˈe i te Ture a Mose, e faufaa-mau-hia tatou na roto i te titauraa i te ite papu niuhia i nia i te mau ․․․․․․․․ e te mau hohoˈa ․․․․․․․․ e vai ra i roto. [uw api 153 par. 14]

22. Te opani nei te ture i roto i te Exodo 20:4-6 i te ․․․․․․․․, e te faaite nei te irava iho e ua niuhia teie ture i nia i te faaueraa tumu e te titau nei Iehova ia ․․․․․․․․. [uw api 152]

23. Te faaite maramarama maitai ra te faaueraa tumu i roto i te Deuteronomi 7:1-4 e eita e tia i te hoê tavini o te Atua ia ․․․․․․․․ e te hoê taata aita e tavini nei ia ․․․․․․․․. [uw api 152]

24. I roto i te Sire a Solomona 2:1-3, te faahitihia nei te mau faahohoˈaraa parau o te faaite ra i te haehaa e te tura o te ․․․․․․․․, e te mau huru nehenehe e te mau aravihi o ta ˈna ․․․․․․․․ here. [Taioraa o te Bibilia; hiˈo w87-F 15/11 api 24.]

25. Te haapae nei te mau tavini haapao maitai o Iehova i te peu ra e uiui i te ․․․․․․․․ no te ․․․․․․․․, i te mea hoi o te mau ․․․․․․․․ teie e paraparauhia ˈtu nei. (Isa. 8:19) [Taioraa o te Bibilia; hiˈo w89 1/3 api 29 par. 11.]

A maiti i te mau pahonoraa tano i roto i te mau faahitiraa i muri nei:

26. Ia au i te Maseli 26:20, 21, mai te peu e e (pahono oioi tatou; eita tatou e tapea i te parau; e mea mǎrû tatou), maoti râ i te ‘tuu faahou i te vahie i nia i te auahi’ e i te faariri ia vetahi ê, e tupu ïa (te mau fifi i nia ia tatou iho; aita e aparauraa; te hoê taairaa maitai) i rotopu ia tatou e o vetahi ê. [Taioraa o te Bibilia; hiˈo w91 1/10 api 22 par. 16.]

27. Ia au i te Maseli 27:6, te hoê taata e here ra ia outou (eita o ˈna e faahiti i te mau parau o te haamauiui ia outou; e mǎtaˈu o ˈna i te faaite i te parau mau no nia ia outou iho; e horoa o ˈna i te mau aˈoraa ia ani atu outou ia ˈna). [Taioraa o te Bibilia; hiˈo w90-F 15/9 api 28.]

28. Te haapapuraa e na Solomona iho â i papai i te buka Koheleta oia hoi (te faahitihia ra to ˈna iˈoa i roto i te buka; te parau nei te feia papai o te tahi atu mau buka o te Bibilia e na ˈna i papai; na te buka iho e haapapu ra e o Solomona te taata papai ma te ore e faahiti i to ˈna iˈoa). [si api 106 par. 4]

29. Te feia e manaˈo ra e ua riro te feruriraa haavare ore i teie mahana, te fariiraa i te mau mea atoa (e feia maitatai ratou; farii i te manaˈo o vetahi ê; tei roto ratou i te poiri i te pae varua). (Isa. 5:20) [Taioraa o te Bibilia; hiˈo w93 1/3 api 11.]

30. Te haafaufaa ra te Sire a Solomona i (te tiaraa arii o Solomona; te mau faufaa a Solomona; te haapao maitai o te hoê potii o te oire no te hoê taurearea tiai mamoe). [si api 109 par. 2]

A faatuati i te mau pereota i muri nei i te mau irava e tano:

Mas. 22:3; Koh. 7:21, 22; Isa. 13:19, 20; Mat. 5:23, 24; Kol. 3:18-20, 23, 24

31. Noa ˈtu e eita Iehova e paruru i to ˈna nunaa i te mau ati, te aroraa tivila, aore ra te taparahiraa taata, e mea faufaa ia faaohipa i te paari niuhia i nia i te Bibilia. [Taioraa o te Bibilia; hiˈo w92 1/1 api 17 par. 23.]

32. Te vai ra te mau tumu maitatai e tiaturi ai tatou e e tupu mau iho â te mau parau tohu faauruahia. [Taioraa o te Bibilia; hiˈo w93 15/5 api 6.]

33. E faatupu te hoê kerisetiano mau i te mau taairaa hau e to ˈna mau taeae. [uw api 135 par. 10]

34. E tupu te mau taairaa i roto i te utuafare, e ere na roto i te tiairaa e na te tahi ê e rave i te ohipa, na roto râ te rave-maitai-raa te taata tataitahi i ta ˈna iho tuhaa, no reira te faaite nei to ˈna na reiraraa e te faatupu nei o ˈna i te paieti i te fare. [uw api 143 par. 10]

35. Eiaha e tiai i te huru tia-roa-raa i nia ia outou iho aore ra i nia i to outou mau taairaa e te tahi atu mau taata hara. [Taioraa o te Bibilia; hiˈo w90-F 1/3 api 8.]