Te mau oaoa ta outou e nehenehe e ite atoa!

E au ra e te faatia noa nei vetahi feia poro i te mau aamu anaanatae e te faaitoito, te mau aparauraa aore ra te mau hoˈi-faahou-raa e farerei o tei faaoaoa ia ratou. I roto i te rahiraa o te mau tupuraa, aita te mau aparauraa maitatai i tupu noa mai. O te faahopearaa o te mau tutavaraa itoito e te tamau. Aita te reira i faataa-noa-hia no te feia poro e mea ohie ratou i te paraparau aore ra mea aravihi aˈe ratou.

Teie te tahi mau manaˈo tuea tei itehia i nia i te feia e manuïa maitai aˈe i roto i te pororaa: 1) Te poro tamau nei ratou, e rave rahi iho â râ taime i te hebedoma, e rave rahi atu â taime to ratou no te farerei i te mau taata e farii i te poroi; 2) e huru feruriraa maitai to ratou no nia i te mau taata o te iriti mai i te uputa, ma te ore e faaoti na mua e eita ratou e faaroo mai; 3) e feia mǎrû ratou e te faaite ra ratou i te hoê anaanatae mahanahana e te haavare ore i te feia e faaroo maira; 4) te faaitoito e te tamau nei ratou i te hoˈi faahou e farerei i te feia a tahi ra ratou e faaroo ai aore ra aita i te fare i te taime matamua; i te pae hopea 5) e tapao ta ratou oia hoi e haamata i te mau haapiiraa bibilia.

I muri aˈe i te hiˈopoaraa i ta outou ohipa, peneiaˈe e ite maitai aˈe outou e nafea ia farerei hau atu â i teie mau aamu oaoa o te faariro i te pororaa ei mea hotu e te faaitoito.