E faaineine tatou i te oroa Haamanaˈoraa

Ua ite anei te taata tataitahi, e te taeae orero iho â râ, i te hora e te vahi e tupu ai te oroa Haamanaˈoraa? Ua ite anei te taeae orero e eiaha taua putuputuraa ra ia mairi i te 45 minuti?

Ua maitihia anei te hoê taata no te faaineine i te mau taoˈa taipe (hiˈo i Te Pare Tiairaa no te 1 no febuare 1990, mau api 25-27)? Ua anihia anei ia afai mai te hoê taata i te hoê tapoˈi amuraa maa mâ e ia navai maitai te mau hapaina e te mau mereiti?

Ua faanahohia anei te tamâraa i te Piha no te Basileia na mua ˈˈe e i muri aˈe i te oroa Haamanaˈoraa? Ua faataahia anei te mau melo o te pǔpǔ farii taata e te feia opere? Ua faaineinehia anei te hoê putuputuraa e taua mau taeae ra no te faataa maitai ia ratou i ta ratou ohipa? Nafea ia faahaere i te mau taoˈa taipe i te mau taata atoa i tae mai (hiˈo i Te taviniraa o te Basileia no mati 1989, api 4)?

Ua ravehia anei te mau faanahoraa no te tauturu i te mau taeae e te mau tuahine ruhiruhia aore ra te feia hapepa ia haere mai i te oroa Haamanaˈoraa? Mai te peu e ua pohehia te hoê tuahine aore ra hoê taeae faatavaihia i te maˈi e eita o ˈna e tae mai i te oroa Haamanaˈoraa, ua ravehia anei te faanahoraa no te afai atu i te mau taoˈa taipe?