Faahaamanaˈoraa no te oroa Haamanaˈoraa

Teie te tahi mau tuhaa e tia ia haapaohia hou e faatupuhia ˈi te oroa Haamanaˈoraa i te mahana piti 2 no eperera:

◼ E faaarahia te taatoaraa, e te taeae orero atoa, i te hora e te vahi e tupu ai te oroa.

◼ E tia ia noaa mai e ia ineine te pane e te uaina e tano.—Hiˈo Te Pare Tiairaa o te 1 no setepa 1985, api 25.

◼ Na mua ˈˈe i te oroa, e tia ia afaihia mai i te piha, te hoê airaa maa e tano no te oroa, e te hoê atoa vauvau airaa maa, te mau mereti e te mau hapaina, e ia faanaho i te reira ma te au.

◼ E tia ia tamâ-taatoa-hia te Piha no te Basileia, aore ra te tahi atu vahi i reira te amuiraa e putuputu ai.

◼ E tia ia faataa na mua ˈˈe i te mau taeae no te tuhaa fariiraa taata e te mau taeae tuati, e ia faataa maitai atu e eaha ta ratou ohipa e nafea ia rave maitai i te reira.

◼ E tia ia rave i te mau faanahoraa no te afai atu i te mau taoˈa taipe i te mau melo faatavaihia atoa o tei hapepa e o te ore e tae mai.

◼ Ia faatupuhia e rave rahi oroa i roto i te hoê â Piha no te Basileia, e tia i te mau amuiraa ia faanahonaho maitai i te mau ohipa, ia ore ia huehue te tomoraa, te mau hiti fare, te vairaa pereoo, e vetahi atu mau vahi.