Mau parau faaite

◼ Mau buka e pûpûhia i te avaˈe febuare: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara. E tia ia hoˈi faahou e farerei i te feia tei farii i teie buka e e tutava i te haamata i te mau haapiiraa bibilia. Mati: Te Apokalupo: Ua fatata roa to ˈna tatararaa rahi hopea nei! no te tino moni e 160 tara. Eperera e me: Tamatahitiraa i Te Pare Tiairaa e te A ara mai na! no te tino moni e 320 tara i te tamatahitiraa hoê aore ra 160 tara no te hoê tamatahitiraa e ono avaˈe. Ia ore te tamatahitiraa e fariihia e nehenehe e faaohipa i te mau huru vea iti atoa no te tino moni e 30 tara, eiaha râ te vea iti L’école. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E hiˈopoa te taeae papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi nei vetahi ia naea ta ratou hora, e faanaho ïa te mau matahiapo ia tauturuhia ratou. E ite outou i te mau manaˈo i roto i te mau rata a te Taiete (S-201) no te 1 no atopa 1993 e no te 1 no atopa 1992. A hiˈo atoa i te mau paratarapha 12-20 o te api hau o Te taviniraa o te Basileia no atete 1986.

◼ E faatupuhia te oroa Haamanaˈoraa i te mahana pae 14 no eperera 1995. Ia haamanaˈo outou e haamata noa te faahaereraa i te pane e te uaina i muri aˈe i te toparaa mahana, noa ˈtu e e nehenehe te oreroraa parau o te oroa Haamanaˈoraa e haamata na mua ˈˈe. A hiˈo maitai i te hora o te toparaa o te mahana i te vahi outou e faaea ra. Eita te hoê putuputuraa ê atu taa ê atu i to te pororaa e faatupuhia i te reira mahana. E taui paha te mau amuiraa o tei matau i te faatupu i ta ratou mau putuputuraa i te mahana maa i te tahi atu mahana mai te peu e e vata te piha.

◼ I te 23 no eperera 1995, i te hopea o te putuputuraa i roto i te mau amuiraa, e te mau tairururaa haaati e i te mau tairururaa taa ê hoê mahana, e faaitehia ˈtu i te hoê parau faaara no nia i te hoê ohipa taa ê oia hoi te opereraa i nia i te hoê faito rahi i te hoê api parau iti e maha api e poroi tano tei roto. E turaihia te mau taata poro ia horoa i te hoê ara-maite-raa taa ê i te feia farii maitai o te feruri maitai ra i nia i te mau fifi rahi ta ratou e farerei nei e o te imi ra i te hoê aratairaa papu. E hinaaro te mau taata poro atoa, te feia atoa e haamata i te poro i te avaˈe mati, eperera e me, e turu i teie ohipa pororaa taa ê e e apiti rahi mai.

◼ Ei pahonoraa i te mau parau aniraa e rave rahi a te mau taata poro e te feia farii maitai, ua faaineine te Taiete i te hoê vea iti faito rahi mai to te vea ra teie te tumu parau Donations pour l’œuvre mondiale du Royaume. E mea faufaa paha te mau api parau i roto i taua vea iti ra no te feia e opua ra e horoa i te hoê ô na te Taiete i teie nei, aore ra te faufaa i to ratou poheraa. E tano iho â râ mai te peu e te hinaaro nei ratou e faaafaro i ta ratou monoraa a fanaˈo noa ˈi i te mau tute no te faaiti i te mau tiaraa monoraa. E nehenehe e noaa mai teie vea iti na roto i te papairaa i teie vahi nohoraa: Association “Les Témoins de Jéhovah,” B.P. 518 Papeete, TAHITI aore ra B.P. 7685 Taravao, TAHITI.

◼ E tia i te feia poro o te hinaaro e riro ei pionie tauturu i te mau avaˈe mati, eperera e me ia faanaho ia ratou i teie nei e ia faaî oioi i ta ratou parau aniraa. E tauturu te reira i te mau matahiapo ia rave i te mau faanahoraa titauhia no te pororaa e ia faaineine i te mau pueraa buka navai maitai.

◼ Mai tei faaara-aˈena-hia, te faahaamanaˈo ra matou ia outou i te mau hora apî o te Betela. Mai te monire e tae atu i te mahana maa i te 8H00 e tae atu i te 12H00 e te monire e tae atu i te mahana pae avatea i te 1H00 e tae atu i te 5H00 i te ahiahi. A haapao i teie mau hora apî no te mau tuhaa atoa e no ta outou mataitairaa i te Betela.

◼ Mea taa ê te porotarama o te Haapiiraa o te taviniraa teotaratia no te matahiti 1995 i roto i te mau amuiraa reo tahiti e ta te amuiraa reo farani, no te mea aita te buka ra “Les Témoins de Jéhovah: Prédicateurs du Royaume de Dieu” i hurihia na roto i te reo tahiti. Te faaitoito nei râ matou ia outou ia taio i teie buka faufaa roa e to outou utuafare. Te faahaamanaˈo nei matou ia outou e tia ia pee-taatoa-hia te porotarama faanahohia no te mau amuiraa reo farani e te reo tahiti, noa ˈtu e e hinaaro te tahi mau taata haapii e hohora i ta ratou tumu parau na roto i te tahi atu reo. Aita ïa i faanahohia e te Taiete, e ia faaohipa te mau amuiraa reo tahiti i te tahi mau tumu parau o te porotarama o te Haapiiraa o te taviniraa teotaratia faaineinehia no te mau amuiraa reo farani, e oia atoa no te mau amuiraa farani.