Mau parau faaite

◼ Mau buka e pûpûhia i te avaˈe tenuare: Te mau buka atoa e 192 api neneihia hou te matahiti 1982 e vai ra i roto i te amuiraa no te hoê tino moni e 50 tara. E pûpû te mau amuiraa aita ta ratou teie mau buka i te buka ra La paix et la sécurité véritables: comment est-ce possible? Febuare: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara. E tia ia hoˈi faahou e farerei i te feia tei farii i teie buka e e tutava i te haamata i te mau haapiiraa bibilia. Mati: Te Apokalupo: Ua fatata roa to ˈna tatararaa rahi hopea nei! no te tino moni e 160 tara. Eperera e me: Tamatahitiraa i Te Pare Tiairaa e te A ara mai na! no te tino moni e 320 tara i te tamatahitiraa hoê aore ra 160 tara no te hoê tamatahitiraa e ono avaˈe. Ia ore te tamatahitiraa e fariihia e nehenehe e faaohipa i te mau huru vea iti atoa no te tino moni e 30 tara, eiaha râ te vea iti Te fare haapiiraa (farani). FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E rave te mau amuiraa i te mau faanahoraa ohie no te oroa Haamanaˈoraa o te faatupuhia i teie matahiti i te mahana pae 14 no eperera i muri aˈe i te toparaa mahana. E mea au aˈe e ia faatupu te mau amuiraa i te oroa Haamanaˈoraa ma te faataa ê, noa ˈtu e eita e nehenehe noa. I te vahi i reira e rave rahi amuiraa e faatupu ai i ta ratou mau putuputuraa i roto i te hoê â Piha o te Basileia, e nehenehe hoê aore ra e rave rahi i rotopu ia ratou e faaohipa i te tahi atu mau piha i taua po ra. Eiaha e faatupu i te oroa Haamanaˈoraa e ua mairi te hora o te nehenehe e haaparuparu i te mau taata no anaanatae noa ˈtura i te parau mau. Hau atu, eiaha e haapoto roa i te area hora e eita e rahi te taime na mua ˈˈe e i muri iho i te oroa no te aroha i te mau manihini, no te pûpû i te hoê tauturu tamau i te pae varua no vetahi aore ra no te faaitoito i te tahi e te tahi. I muri aˈe i te hiˈopoa-maite-raa i te mau tuhaa atoa, e faaoti te mau matahiapo i te mea e tano ia rave ia nehenehe te feia e tae mai i te oroa Haamanaˈoraa e huti i te mea maitai aˈe.

◼ E hohorahia te hoê oreroraa parau taa ê i roto i te mau amuiraa atoa i te sabati 23 no eperera 1995. Teie te tumu parau “Te fatata mai nei te hopea o te haapaoraa hape.” E ara ïa tatou i te titau i te taatoaraa o te taata ia haere mai i te oroa Haamanaˈoraa i teie matahiti. E tutava taa ê tatou i te tauturu i te mau mirioni taata o te haapii ra i te Bibilia. E horoahia ˈtu te mau haamaramaramaraa i muri aˈe i teie putuputuraa o te turai ia ratou, e te taatoaraa o te mau taeae e mau tuahine, ia apiti i roto i te ohipa opereraa api parau iti taa ê. I taua noâ taime ra, e tuuhia te faufaaraa i nia i te mau fifi e faaruruhia e te taata tataitahi e i nia i te faufaaraa ia ohipa ma te papu ia au i te Parau a te Atua.

◼ Mai te avaˈe febuare, aore ra te 5 no mati te taio mahana hopea, e hohora te mau tiaau haaati i te hoê oreroraa parau huiraatira api teie hoi te tumu parau “Te upootia nei te haapiiraa no ǒ mai i te Atua ra i nia i te fenua taatoa.” O te hoê ïa pataraa hohoˈa o te faaite ra i te mau taime rahi o te mau tairururaa taa ê na te mau fenua “Te haapiiraa no ǒ mai i te Atua ra” tei faatupuhia i te roaraa o te mau matahiti taviniraa 1993 e 1994. I te mau vahi e aita e vai ra te mau pataraa hohoˈa, e hohora ïa te mau tiaau haaati i te oreroraa parau “Ia tiaturi tatou i te Atua no ˈna anaˈe te mahanahana” tae noa ˈtu i te taime e noaa ˈi ta ratou. I muri aˈe i te hohoraraa i te oreroraa parau e te mau pataraa hohoˈa i te mau amuiraa atoa o ta ratou tuhaa haaati, e hohora te mau tiaau haaati i te oreroraa parau “Ia tiaturi tatou i te Atua no ˈna anaˈe te mahanahana” tae noa ˈtu i te oreroraa parau i mua faanahohia no te omuaraa o te matahiti 1996.

◼ I roto i te putuputuraa no te taviniraa no te 9 no tenuare, e tia ia horoa i te feia poro bapetizohia te hoê parau “Mau faaueraa i te pae rapaauraa—Aita e toto” e te mau parau tiaraa no ta ratou mau tamarii.