E tauihia anei te hora o te mau putuputuraa?

Ia farii anaˈe e rave rahi amuiraa o te putuputu ra i roto i te hoê â Piha no te Basileia e faanuu aore ra e taui i te hora o te mau putuputuraa, e na reira ïa ratou i te 1 no tenuare. Ma te ineine i te turu i teie faanahoraa, e faaitehia ïa te here e te faatura i te tahi e te tahi. E pinepine e tauihia te hora o te mau putuputuraa no tatou iho ia nehenehe tatou e haere ohie atu.

Tera râ, eita paha e tuea maitai te tauiraa o te hora o te mau putuputuraa, ravehia i te avaˈe tenuare, e ta tatou tabula ohipa. E tia ïa ia tatou ia rave i te tahi mau tauiraa. Ma te rave amui, e faaite tatou e te taa ra ia tatou i te tumu o taua faanahoraa ra o te horoa mai i te mau haamaitairaa no te taatoaraa.

Parau mau, e nehenehe te tauiraa o te hora o te mau putuputuraa i mua e tano maitai no tatou. A tiai noa ˈi, te faaitoitohia ra tatou ia rave i te mau tauiraa titauhia ia nehenehe tatou e haere i te mau putuputuraa atoa o te hebedoma, ia au i te porotarama faaotihia e te amuiraa. E tutava ïa tatou i te tapea i te hoê â manaˈo e to te papai salamo, tei parau e: “Oaoa aˈera vau e te feia atoa i parau mai ia ˈu e, Tatou i nia i te fare o Iehova.”—Sal. 122:1.