Putuputuraa no te taviniraa no atete
Hebedoma o te 1 no atete
Himene 159
15 mn: Parau faaara e Parau faaite e tano a Te taviniraa o te Basileia. A faaite eaha te mau manaˈo anaanatae o te mau vea hopea o te nehenehe e haamatarahia i roto i te pororaa i teie hopea hebedoma.
15 mn: “Ia tapea tatou i te feruriraa maitai.” Ma te mau uiraa e mau pahonoraa. A uiui poto noa i te hoê pionie aore ra i te hoê taata poro maoro o te faaite nafea to ˈna tapearaa i te feruriraa maitai noa ˈtu te tâuˈa-ore-raa aore ra te patoiraa i roto i te tuhaa fenua.
15 mn: “Te mau vea iti: e mau tauihaa faufaa roa no te taviniraa.” Aparauraa e te feia i putuputu mai. Piti faahiˈoraa faaineine-maitai-hia na roto i te mau faaiteraa i horoahia. A faaite mai te tahi mau vea iti e pûpûhia i te avaˈe atete. A faahaamanaˈo i te feia i putuputu mai ia haere e tii i ta ratou no te pororaa i taua hebedoma ra.
Himene 142 e pure faaotiraa.
Hebedoma o te 8 no atete
Himene 216
10 mn: Parau faaara. A faaitoito i te feia poro ia rave i te mau faanahoraa no te turu i te mau putuputuraa no te pororaa i te 15 no atete.
15 mn: “Ia matau maitai tatou i to tatou mau hoa.” Ma te mau uiraa e mau pahonoraa. A ani i te feia i putuputu mai ia faatia mai i te mau tupuraa poto ma te faaite e nafea ratou i te haamatau rahi atu â i te tahi atu mau melo o te amuiraa ma te faaohipa i te mau manaˈo o te paratarapha 6.
20 mn: E apiti hau atu â tatou i roto i te pororaa faanaho-ore-hia e te amuiraa. E tauaparau e toru aore ra e maha taata poro no nia i te ravea e apiti hau atu â i roto i taua ohipa ra. Ma te faaohipa i Te Pare Tiairaa no te 15 no atopa 1987, mau api 22-7 (farani), e tuatapapa ratou i te mea ta vetahi ê i rave e e feruri ratou i nia i te ravea e apiti hau atu â i roto i teie tuhaa o te pororaa. E faaitoito te taeae e hohora ra i teie tuhaa i te feia i putuputu mai ia na reira atoa.
Himene 182 e pure faaotiraa.
Hebedoma o te 15 no atete
Himene 166
5 mn: Parau faaara. Tabula faufaa moni e mau haamauruururaa no te mau ô.
15 mn: “Ia faatupu tatou i te anaanatae i roto i te mau hoˈi-faahou-raa e farerei.” Aparauraa e te feia i putuputu mai. Piti faahiˈoraa e 3 minuti: mau hoˈi-faahou-raa e farerei na roto i te mau faaiteraa. A faaitoito i te feia poro ia tutava i te haamata i te mau haapiiraa bibilia.
25 mn: “Ia haere tamau tatou i mua ma te haapao maite â i te hoê â reni.” Ma te mau uiraa e mau pahonoraa.
Himene 96 e pure faaotiraa.
Hebedoma o te 22 no atete
Himene 218
15 mn: Parau faaara. “Te porotarama o te tairururaa taa ê hoê mahana i mua.” A faaite i te taio mahana o te mahana tairururaa taa ê mai te peu e ua itehia, e a faaitoito i te amuiraa ia faanaho ia ratou no te haere atu.
15 mn: Nafea vau e faatupu ai i te mau taairaa piri roa e te Atua? Haapiiraa utuafare. E tauaparau te mau metua e ta raua mau tamarii paari i te pene 39 o te buka ra Te uiui nei te mau taurearea (farani). E tuatapapa ratou i te upoo parau iti “A faaite i mua i te taata i to outou taairaa auhoa e te Atua”, mau api 315-18. E amuamu te mau tamarii: e haama ratou ia haere i tera e tera uputa e mea na nia iho noa te mau putuputuraa, e te pinepine noa ˈtura. E haaferuri te mau metua ia ratou ma te au, ma te huti i to ratou ara-maite-raa i nia i te mau faaueraa tumu a te mau Papai o te faaite ra e mea faufaa roa teie mau ohipa no te atuatu i te mau taairaa maitatai e o Iehova.
15 mn: Mau hinaaro o te amuiraa, aore ra oreroraa parau no roto mai i te tumu parau ra “Ua putapû roa i te parau apî maitai”, o Te Pare Tiairaa no te 1 no tiurai 1991, mau api 28-30 (farani).
Himene 184 e pure faaotiraa.
Hebedoma o te 29 no atete
Himene 199
13 mn: Parau faaara. A uiui hoê aore ra e piti taata poro o tei rave na i te taviniraa pionie tauturu aore ra tei poro hau atu â i te roaraa o te mau avaˈe faafaaearaa haapiiraa. A faaite i te mau oaoa ta ratou i ite.
15 mn: “E nehenehe anei outou e riro mai ei pionie?” Aparauraa e te feia i putuputu mai. A faahiti i te mau tupuraa o te faaite e nafea to te hoê melo o te amuiraa rave-faahou-raa i te taviniraa pionie, aore ra nafea to te hoê utuafare rave-amui-raa no te turu i te hoê melo o te utuafare ia rave i taua haamaitairaa taa ê ra.
17 mn: E pûpû tatou i te buka ra E ora e a muri noa ˈtu i te avaˈe setepa. A faaitoito ma te aau tae i te feia poro ia tutava i te vaiiho i teie buka e i te haamata i te mau haapiiraa bibilia i te avaˈe setepa. Ua matara mai teie buka i te matahiti 1982 e o teie noa iho â te buka matamua no te faatere i te mau haapiiraa bibilia. I roto i te mau buka operehia i te mau tairururaa mataeinaa, te vai ra teie poroi: “E mea tano maitai teie buka haapiiraa apî no te tauturu hau atu â i te mau taata ia tufa i teie tiaturiraa. (...) I roto te vai ra te mau parau mau faufaa roa o te tia ia haapiihia no te pûpû ia ˈna iho no Iehova e no te tavini ia ˈna ma te au.” Te haapapu ra te mau faahopearaa: ua maraa te feia poro e 2 652 323 i te matahiti 1983 i te faito e 4 709 889 i te matahiti 1993. A titau manihini i te feia poro ia faatia nafea to ratou iteraa i te parau mau na roto i te haapiiraa i teie buka aore ra nafea to ratou tautururaa i to ratou taata-tupu ma te haapii e o ratou. Mai te peu e e taime, a faahiti i te tahi atu mau tuhaa o te buka o te nehenehe e faaitehia ia pûpû-anaˈe-hia.
Himene 161 e pure faaotiraa.