Putuputuraa no te taviniraa no tiurai

NOTA: Te vai ra i roto i Te taviniraa o te Basileia te porotarama o te hoê putuputuraa no te taviniraa no te hebedoma tataitahi o te avaˈe. E rave te mau amuiraa i te mau tauiraa e titauhia ma te ara e e haere atu ratou i te tairururaa mataeinaa “Te mǎtaˈu paieti” e e rave ratou, i te putuputuraa no te taviniraa e tupu i te hebedoma i muri iho, i te hoê hiˈo-faahou-raa e 30 minuti no nia i te mau manaˈo faufaa roa ˈˈe o te porotarama. E titauhia na mua ˈˈe e piti aore ra e toru taeae aravihi no taua hiˈo-faahou-raa i tera e tera mahana o te haamatara i te mau manaˈo faufaa roa ˈˈe. Ia faaineine-maitai-hia, e tauturu oia i te mau melo o te amuiraa ia tapea mai i te mau manaˈo matamua, ia faaohipa ratou no ratou iho e i roto i te pororaa. E mea poto e te papu te mau pahonoraa a te feia i putuputu mai e te mau faatiaraa e faahitihia.

Hebedoma o te 4 no tiurai

Himene 141

10 mn: Parau faaara e Mau parau faaite a Te taviniraa o te Basileia no nia i te amuiraa. A faahiti i te mau tumu parau o te mau vea iti faito nainai e vai ra i roto i te amuiraa; a faaitoito i te feia poro ia haere e tii i ta ratou no te opere atu i roto i te pororaa. Mai te peu e aita ta te amuiraa mau vea iti faito nainai, e nehenehe e pûpû i te mau vea iti faito rahi.

17 mn: “E poro anaˈe na i tera e tera fare ma te tuutuu ore.” Ma te mau uiraa e mau pahonoraa. A ani i te feia i putuputu mai tei putapû i roto i te ohipa i tera e tera uputa ia faaite i to ratou mauruuru.

18 mn: “E tauturu tatou ia vetahi ê ia ite i te parau mau.” Aparauraa e te feia i putuputu mai. Mau faahiˈoraa: e faaohipa te feia poro aravihi e piti aore ra e toru o te mau faaiteraa horoahia. A haapapu i te mau vahi maitatai o te hoê faaiteraa poto e te ohie.

Himene 120 e pure faaotiraa.

Hebedoma o te 11 no tiurai

Himene 115

12 mn: Parau faaara. Tabula faufaa moni e mau haamauruururaa no te mau ô. A haapopou i te amuiraa no ta ˈna mau ô (Exo. 35:29). A faaitoito i te feia poro ia haamanaˈo i te pororaa i te ahiahi, taime tano no te haere i tera e tera uputa e te mau hoˈi-faahou-raa e farerei.

15 mn: Mau hinaaro o te amuiraa, aore ra oreroraa parau na te hoê matahiapo aravihi no nia i te tumu parau “A faaatea ê mai ia haamǎtaˈuhia outou i te ati”, i roto i Te Pare Tiairaa no te 15 no febuare 1994, mau api 22-5.

18 mn: “Nafea ratou e faaroo ai mai te peu e eita tatou e hoˈi e hiˈo ia ratou?” Aparauraa e te feia i putuputu mai. Faahiˈoraa ma te rave faahou i te mau manaˈo o te mau paratarapha 3 e 4. A faaite e no te aha e tia ia hoˈi faahou e hiˈo i te mau taata e te tapao e haamata i te mau haapiiraa bibilia.

Himene 123 e pure faaotiraa.

Hebedoma o te 18 no tiurai

Himene 125

15 mn: Parau faaara. A tuatapapa i te mau manaˈo matamua o te tumu parau “Te porotarama o te tairururaa haaati i mua”. A faaite i te taio mahana o te tairururaa haaati i mua, mai te peu e ua itehia. A parau i te mau faanahoraa tei ravehia no te pororaa i te hopea hebedoma i mua e a faaitoito i te feia poro ia apiti i roto i te opereraa o te mau vea.

8 mn: Pahonoraa i ta outou mau uiraa. Aparauraa e te feia i putuputu mai.

22 mn: “E imi anaˈe na i te mau taata i farii maitai na roto i te pororaa faanaho-ore-hia.” E tuatapapa te tiaau no te taviniraa aore ra te tahi atu matahiapo aravihi o te poro ra ma te aravihi, i te tumu parau e e piti aore ra e toru taata poro o tei manuïa i te poro ma te faanaho-ore-hia. E nehenehe atoa e faaô mai i roto i te aparauraa e piti aore ra e toru faatiaraa poto. Mau faahiˈoraa: nafea ia haamata i te aparauraa e te mau taata e te mau vea hopea.

Himene 134 e pure faaotiraa.

Hebedoma o te 25 no tiurai

Himene 140

10 mn: Parau faaara. Mau parau apî teotaratia. Faahiˈoraa: faaiteraa o te mau vea hopea. A faaitoito i te taatoaraa o te feia poro ia amui atoa mai i roto i te opereraa o te mau vea.

15 mn: “Te hinaaro nei te mau taurearea i te hoê hiˈoraa maitai.” Ma te mau uiraa e mau pahonoraa. A uiui hoê aore ra piti taurearea e hiˈoraa maitai. A ani ia raua ia faahiti mai i te mau tapao pae varua ta raua i haamau e te mau haamaitairaa tei noaa mai na roto i ta raua mau tutavaraa.

20 mn: E haamaitai tatou i te huru o ta tatou mau faaiteraa. E rave te hoê utuafare i te hoê faaineineraa na roto i te mau manaˈo o te Buka no te haapiiraa, api 9, paratarapha 9 (vea iti). E faaite te hoê o te mau melo i te poroi, e haapopou te tahi ia ˈna e e horoa i te mau manaˈo no te tauturu ia ˈna ia haere i mua. E faahitihia te hoê patoiraa matauhia i roto i te tuhaa fenua e e faaitehia e nafea ia haapaiuma i te reira.

Himene 187 e pure faaotiraa.