Mau parau faaite

◼ Mau buka e pûpûhia i te avaˈe tenuare: Te mau buka atoa e 192 api te rearea ra te api parau aore ra te mahea ˈtura, aore ra te mau buka atoa tei neneihia hou te matahiti 1981 no te tino moni e 50 tara. E nehenehe te mau amuiraa aita ta ratou teie mau buka e pûpû i te buka Te huitaata i nia i te eˈa o te maimiraa i te Atua (farani) no te tino moni e 80 tara. Febuare: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara (faito rahi) aore ra 80 tara (faito nainai, farani). Mati: Te Apokalupo: ua fatata roa to ˈna tatararaa rahi hopea nei! no te tino moni e 160 tara. Eperera e me: Te tamatahitiraa o te mau vea Te Pare Tiairaa e A ara mai na! no te tino moni e 320 tara i te vea tataitahi, aore ra te mau vea iti atoa faito rahi (eiaha te vea iti Te fare haapiiraa) (farani) no te tino moni e 30 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E rave te mau amuiraa i te mau faanahoraa ohie no te oroa Haamanaˈoraa o te faatupuhia i teie matahiti te mahana maa 26 no mati i muri aˈe i te toparaa mahana. Noa ˈtu e mea maitai ia faatupu taa ê te mau amuiraa atoa i te oroa Haamanaˈoraa, eita râ te reira e manuïa noa. I te vahi e faatupu ai e rave rahi amuiraa i ta ratou mau putuputuraa i roto i te hoê â Piha no te Basileia, e mea maitai aˈe ia faaohipa hoê aore ra e rave rahi i rotopu ia ratou te tahi atu mau fare i taua po ra. Eiaha ia maoro te haamataraa o te oroa Haamanaˈoraa ia haaparuparu i te feia tei faaite i te anaanatae aita i maoro aˈenei. I te tahi pae, eiaha ia piri roa te hora e aita e taime faahou na mua ˈˈe e i muri aˈe i te oroa Haamanaˈoraa no te farii i te feia mataitai, no te pûpû i te hoê tauturu pae varua tamau i te tahi o ratou aore ra no te faaitoito te feia atoa i putuputu te tahi e te tahi. I muri aˈe i te hiˈopoa-maite-raa i te mau tuhaa atoa, e tia i te mau matahiapo ia faaoti i te mau faanahoraa ia rave ia nehenehe te feia e putuputu mai i te oroa Haamanaˈoraa ia fanaˈo rahi atu â i teie ohipa.

◼ Mai te avaˈe febuare, aore ra mai te 6 no mati aore ra i muri noa ˈˈe mai, e vauvau te mau tiaau haaati i te hoê oreroraa parau huiraatira apî teie te tumu parau “Te mauiui ra te huitaata nei—Ehia â taime e toe ra?”.

◼ E vauvauhia te oreroraa parau taa ê faataahia i te taime o te oroa Haamanaˈoraa i roto i te ao taatoa nei i te sabati 10 no eperera 1994. Teie te tumu parau “Te topa ra anei te haapaoraa?”. E horoahia te hoê tino parau. E faaroo te mau amuiraa o te farereihia ra e te tiaau haaati, e tairururaa haaati aore ra e tairururaa taa ê e hoê mahana ta ratou i taua hebedoma ra, i te oreroraa parau taa ê i te hebedoma i muri iho. Eiaha te hoê noa ˈˈe amuiraa e hohora i teie oreroraa parau na mua aˈe i te 10 no eperera.