E tauturu i to tatou mau taata-tupu maoti i te mau vea
1 Te oaoa mau nei tatou ia noaa mai ia tatou te mau vea hopea o Te Pare Tiairaa e te A ara mai na! Te taio oioi nei tatou ma te oaoa no te haafaufaa i te mau haamaramaramaraa i roto. Hau atu â i te imi i te mau manaˈo faufaa no tatou iho, e mea maitai ia tapao i te mau manaˈo ta tatou e faaohipa ia faaite tatou i te mau vea. E hinaaro paha tatou e reni i te mau paratarapha o te anaanatae taa ê i te feia o ta tatou tuhaa fenua, e tae noa ˈtu i te tapaoraa i roto i te vahi vata o ta tatou iho vea te mau manaˈo ta tatou e faaohipa i te roaraa o te aparauraa, e te hoê ravea tano ia faaite i te vea.
2 Te paruru nei te mau vea i to ratou faufaaraa. Na mua râ, e tutava paha tatou i te faaite i te mau vea apî. Tera râ, aita e tumu ia faarue tatou i te mau vea tahito, i te mea no teie nei mahana te mau tumu parau. Ia vai noa te tahi i roto i ta tatou pute ia vai noa i roto i to tatou rima ia poro tatou. E faufaa taa ê mau to ratou no te pahono i te hoê hinaaro papu o te taata e faaroo maira.