Putuputuraa no te taviniraa no setepa

Hebedoma o te 6 no setepa

Himene 164

10 mn: Parau faaara e Mau parau faaite e tano o Te taviniraa o te Basileia.

20 mn: E haapaari tatou i ta tatou mau tamarii no te haamataraa haapiiraa. Oreroraa parau e te mau uiuiraa e faahiˈoraa. Te faaruru nei te mau kerisetiano apî i teie nei mahana, i te mau faaheporaa ta te rahiraa i roto i te amuiraa e ore e manaˈo nei. E tia i te mau metua ia faaara-maitai-hia i taua mau fifi ra, no te haapaari i ta ratou mau tamarii o te tamatahia ra te haapao maitai. A uiui e toru taurearea matahiti taa ê. Eaha te tahi mau faaheporaa papu ta ratou e farerei nei i te mahana tataitahi i te fare haapiiraa? Eaha te tauturu nei ia ratou ia tapea i te mau taairaa maitatai e o Iehova? Faahiˈoraa: te hiˈopoa nei te hoê utuafare i te mau paratarapha 2 e 3 i te api 11 o te vea iti Te fare haapiiraa (farani). E faatia te mau tamarii e te faaooohia ra ratou e au ra te tuuhia nei ratou i te hiti no te mea te turu ra ratou i te mau faaueraa tumu teitei o te Bibilia. E faaitoito te metua tane ia ratou ma te parau ia ratou e te oaoa nei oia i to ratou hiˈoraa maitatai e ma te faahaamanaˈo ia ratou e te oaoa ra Iehova i to ratou haerea (Mas. 27:11). E faaoti te taeae o te hohora ra i taua tuhaa ra ma te haapopou i te mau taurearea o te amuiraa no ta ratou mau ohipa maitatai, e e faaitoito oia ia ratou ia tauaparau e to ratou mau metua ia haapaarihia ratou i te pae varua i te roaraa o te matahiti haapiiraa.

15 mn: “E tauturu tatou ia vetahi ê ia ite i te hoê taoˈa faufaa.” Ma te mau uiraa e mau pahonoraa. Faahiˈoraa i te taime hiˈopoaraa o te paratarapha 4: e pûpû te hoê taata poro i te buka E ora e a muri noa ˈtu i te hoê melo o to ˈna utuafare.

Himene 108 e pure faaotiraa.

Hebedoma o te 13 no setepa

Himene 112

10 mn: Parau faaara, tabula faufaa moni e haamauruururaa no te mau ô. A haapopou i te feia i putuputu mai no ta ratou mau turu horoa maitai i te amuiraa e tae noa ˈtu i te ohipa na te ao atoa nei a te Taiete.

10 mn: “E tauturu i to tatou mau taata-tupu maoti i te mau vea.” Oreroraa parau e mau faahiˈoraa. A haapapu i te faufaaraa ia faaohipa maitai i te mau vea apî, e te mea tahito atoa râ. Piti faahiˈoraa: faaiteraa o te hoê vea apî, i muri iho te faaohiparaa i te hoê vea tahito o te pahono ra i te hoê hinaaro papu.

15 mn: “Eaha ta tatou e rave i te roaraa o teie matahiti taviniraa?” Oreroraa parau e te apitiraa o te feia i putuputu mai; vauvauhia e te tiaau-peretiteni. A hiˈo faahou i te taviniraa o te amuiraa i te roaraa o te matahiti taviniraa i mairi e a faaitoito i te taata tataitahi ia rave i te mau faanahoraa no te horoa rahi atu â i te taime i te roaraa o te matahiti taviniraa 1994.

10 mn: “Te haapiiraa o te mau buka E ora e a muri noa ˈtu e Tahoêhia i roto i te haamoriraa.” Hiˈopoaraa e te feia i putuputu mai apeehia e te hoê faahiˈoraa faaineine-maitai-hia: te faahaere nei te hoê taata poro i te haapiiraa o te buka Te taata rahi roa ˈˈe i nia i te buka E ora e a muri noa ˈtu.

Himene 17 e pure faaotiraa.

Hebedoma o te 20 no setepa

Himene 100

10 mn: Parau faaara. A tatara mai i te mau tumu parau anaanatae o te mau vea apî e faaitehia i teie hopea hebedoma.

20 mn: “E tauturu tatou i te mau ‘mamoe’ ia patu i nia i te hoê niu etaeta.” Aparauraa e te feia i putuputu mai. A faahaamanaˈo i te faufaaraa ia faaineine i te hoˈi-faahou-raa e farerei tataitahi. Faahiˈoraa: e hoˈi faahou te hoê taata poro aravihi e hiˈo i te hoê taata o tei farii i te buka E ora e a muri noa ˈtu; e apee oia i te mau manaˈo o te mau paratarapha 3 aore ra 5.

15 mn: “E haamata tatou i te mau haapiiraa bibilia i te fare o te taata.” Ma te mau uiraa e mau pahonoraa. I muri iho i te paratarapha 4, faahiˈoraa ma te aau tae: hoˈi-faahou-raa e farerei ravehia, mai tei faahitihia, e te Bibilia anaˈe, tera râ maoti te tahi mau tuhaa o te buka E ora e a muri noa ˈtu aore ra Haaferuriraa.

Himene 84 e pure faaotiraa.

Hebedoma o te 27 no setepa

Himene 109

10 mn: Parau faaara. Mau parau apî teotaratia.

20 mn: Teihea roa to tatou mau taata herehia tei moe? Aparauraa e te utuafare. Maoti i te mau manaˈo maitihia o te buka Haaferuriraa, i te mau api 253-255, e faahiti te metua tane i te pohe o te hoê hoa piri o te utuafare. E hinaaro oia e faataa i ta ˈna mau tamarii te manaˈo o te Bibilia. E ui oia ia ratou te mau aniraa no te ite e te taa ra anei ia ratou i te auraa o te pohe e e nehenehe ratou iho e faataa maitai ia au i to ratou matahiti. E faaite atoa oia ia ratou e nafea ia faaohipa i te buka Haaferuriraa no te tamǎrû ia vetahi ê.

15 mn: E faaite tatou i te mau vea i te avaˈe atopa. Toru faahiˈoraa: faaiteraa e Te Pare Tiairaa apî roa, o te A ara mai na! apî roa, te horoaraa i te hoê api parau iti i te hoê taata o te ru ra. I muri iho i te faahiˈoraa taitahi, a hiˈopoa e te feia i putuputu mai no te aha e mea aravihi roa te faaiteraa. E piti faahiˈoraa o te faaotihia na roto i te faaiteraa o te tamatahitiraa i te mau vea aore ra te buka Te huitaata i nia i te eˈa o te maimiraa i te Atua.

Himene 21 e pure faaotiraa.