Mau parau faaite

◼ Atete e setepa: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara (faito rahi) aore ra e 80 tara (faito nainai farani). Atopa: Te huitaata i nia i te eˈa o te maimiraa i te Atua (farani) no te tino moni e 120 tara aore ra te tamatahitiraa i te A ara mai na! aore ra Te Pare Tiairaa no te tino moni e 320 tara. Novema: Te mau Papai moˈa — Tatararaa a te ao apî e te buka Te Bibilia — Parau na te Atua aore ra na te taata? no te tino moni e 250 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14). A haamanaˈo i te ani i te mau vea hau o ta outou e hinaaro ra no te opereraa o te avaˈe atopa.

◼ E tia i te mau amuiraa ia haamata i te ani i te Kalena a te mau Ite no Iehova 1994 i nia i ta ratou aniraa o te mau buka no setepa.

◼ E roaa i te amuiraa tataitahi toru api Parau faaite o te mau buka (S-18). I te haamataraa o te avaˈe atete, e faaau te papai parau o te amuiraa e te taeae haapao i te mau buka no te taio mahana o te parau faaiteraa o te mau buka e vai ra i te hopea o te avaˈe. E tia ia ravehia te hoê taioraa tia mau o te taatoaraa o te mau buka e vai ra e ia faaite te taatoaraa i nia i te Parau faaite o te mau buka. E faaitehia ˈtu te taatoaraa o te mau vea e vai nei e te taeae haapao i te mau vea. A ara ia afai mai ia matou ra te api parau matamua no te 6 no setepa 1993. A faaherehere i te piti o te api i roto i ta outou pueraa parau. E faaohipahia te toru o te api parau ei papaipairaa. E hiˈopoa te papai parau i te parau faaite, e e hiˈo-faahou-hia te api parau ma te tia maitai tei faaîhia e tei tarimahia e te tiaau-peretiteni.

◼ E roaa i te amuiraa tataitahi te mau api parau no te matahiti taviniraa 1994. Eiaha teie mau api parau ia haamâuˈahia. E tia ia vaiihohia ratou no te faaohiparaa faataahia no ratou.

◼ E tia i te feia atoa e melo ratou no te hoê amuiraa ia tapao e ia faaapî na roto i to ˈna arai i te mau tamatahitiraa i Te Pare Tiairaa e i te A ara mai na!, tae noa ˈtu i ta ratou iho mau tamatahitiraa.

◼ Aita te Taiete e farii faahou i te mau aniraa o te mau buka tei rave-tataitahi-hia e te feia poro. E nehenehe te feia o te hinaaro i te hoê tumu parau taa ê e faaite i te taeae haapao i te mau buka, o te papai oioi atu i nia i te aniraa o te mau buka i te avaˈe a te amuiraa. E faataio te tiaau-peretiteni i te hoê parau faaara i te avaˈe taitahi o te faaite i te haponoraa i mua mai o te aniraa o te mau buka i te Taiete, ia faaite te feia poro i to ratou mau hinaaro i te mau buka i te taeae faataahia.

◼ E tia i te feia poro o te hinaaro ra e rave i te taviniraa pionie tamau i te 1 no setepa 1993 ia faaî ma te haamarirau ore i te hoê aniraa faaô i roto i taua taviniraa ra. E hopoihia te mau aniraa i te Taiete na mua ˈˈe i te hopea o te avaˈe atete. A hiˈo faahou i te mau paratarapha 21-26 o te Api hau o Te taviniraa o te Basileia no atete 1986.

◼ E haaputu te papai parau o te amuiraa i te mau tabula taviniraa no te haamauraa o te Tabula hiˈopoaraa o te amuiraa (S-10). E horoa oia i te mau aˈoraa tano i te matahiapo aore ra i te tavini tauturu o te tauturu ia ˈna ia haamau i te tabula. E haapapuhia te hoê papairaa tano o te mau parau i nia i te mau tabula ohipa a te taata poro (S-21). E tia ia faaîhia te Tabula hiˈopoaraa o te amuiraa (S-10) ma te taa maitai e te mâ, e i muri iho ia hiˈo-faahou-hia e te tomite no te taviniraa ma te haapao maitai.

◼ Buka apî e vai nei: Buka tahoêhia o Te Pare Tiairaa e piti matahiti: Buka 1954-55, 1956-57, 1958-59, 1960-61. Moni o te buka tahoêhia: 240 tara.

◼ Vea iti apî e vai ra:

Beretane: Our problems—Who will help us solve them?