Hiˈo-faahou-raa no te haapiiraa o te taviniraa teotaratia

Hiˈo-faahou-raa ma te tamau i te buka no nia i te mau tumu parau i tuatapapahia i roto i te Haapiiraa o te taviniraa teotaratia i te hebedoma no te 6 no tenuare e tae atu i te 20 no eperera 1992. A papai i te mau pahonoraa i te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.

[Faaararaa: I roto i te taime i faataahia no te hiˈo-faahou-raa, o te Bibilia anaˈe te nehenehe e faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]

A tuu “tano” aore ra “hape” i muri aˈe i te mau pereota i muri nei:

1. Ua ite te parau tohu, tei ravehia hau atu i te 300 matahiti na mua ˈtu, e na Iosia e faaafa i te fata a Ieroboama i Betela, i te hoê tupuraa faahiahia roa. [si-TH api 13 § 25]

2. Ua haamata te roaraa o te buka a Te mau Arii Piti e te faatereraa a Solomona, i te matahiti 1037 hou to tatou tau, e ua hope i te matahiti 580 hou to tatou tau. [si-TH api 14 § 2]

3. I te rahiraa o te taime, i muri aˈe i te taioraa i te hoê irava o te mau Papai, e navai noa i te faataa poto noa no te faaohipa i te reira. [sg-TH api 8 § 20]

4. Noa ˈtu e tuhaa faufaa te faahiti-faahou-raa no te aravihi no te haapii, e faarahi roa te mau faahiti-faahou-raa tano ore i te parau e mea taahoa. [sg-TH api 10 § 11]

5. Ia nehenehe anaˈe outou e paraparau e te tauturu o te hoê tino parau, ua rave outou i te hoê taahiraa avae rahi no te riro mai ei taeae orero i mua i te huiraatira. [sg-TH api 2 § 10]

6. Eita e nehenehe e taio i te mau paratarapha ma te reo puai ma te horoa i te manaˈo e ua faatanohia te hoê oreroraa parau i taua iho taime ra. [sg-TH api 6 § 21]

7. No te faaohipa i te haapapuraa manaˈo, ia taahia te mau parau o te faahiti ra i te manaˈo, e maoti te haapapuraa, e haamatara ˈtu no te faaau i te tahi mau atu mau parau na pihai iho. [sg-TH api 14 § 3]

8. Aita i matauhia te peni no te mata i te tau tahito. [Taioraa o te Bibilia; hiˈo g78-F 22/1 api 25]

9. Te haapapu ra te mau ohipa i itehia i te pae no te ihipǎpǎ ma te puai mau i te aamu bibilia o Te mau arii 2, 17:6-18 no nia i te haamouraa o te basileia i te pae apatoerau no Iseraela na te mau taata no Asura. [Taioraa o te Bibilia; hiˈo gm-TH mau api 47, 48]

10. Noa ˈtu e ua haamata te faatereraa a Iehova e te poieteraa, te faaite ra te mau parau a Davida i roto i te Paraleipomeno 1, 16:31 e ua faahiti papu Iehova i te tahi taime i ta ˈna faatereraa ma te mau parau o te haapapu e o ˈna te “arii” i te hoê taime taa maitai. [Taioraa o te Bibilia; hiˈo w85-F 15/12 api 11]

A pahono i te mau uiraa i muri nei:

11. Ia horoa outou e na te taata e taio i te hoê irava, nafea outou ia haapapu i te mau manaˈo faufaa? [sg-TH api 8 § 13]

12. Mai te peu e te vai ra i roto i te aparaa rima a te taeae orero te mau peu huru ê, eaha te tia ia ˈna ia rave? [sg-TH api 11 § 20]

13. Eaha ta outou e nehenehe e rave mai te peu e te fifi ra outou i te taio maitai ma te reo puai? [sg-TH api 4 § 7]

14. No te aha te mau buka a te Paraleipomeno i papaihia ˈi? [si-TH api 1 § 2]

15. A faahiti hoê ravea tumu no te tatara i te hoê manaˈo aore ra hoê haaferuriraa. [sg-TH api 9 § 11]

16. Eaha “te Ture” e faahitihia ra i roto i Te mau arii 2, 11:12? [Taioraa o te Bibilia; hiˈo w91-TH 1/2 api 31]

17. Ia au i Te mau arii 2, 19:32, 33, mea nafea te arii no Asura i te haafifiraahia ia ore oia e tomo i roto ia Ierusalema? [Taioraa o te Bibilia; hiˈo w88-F 15/2 api 28]

18. Eaha ta te aamu no nia i te ohipa i tupu i rotopu ia Davida e o Hanuna e haapii maira ia tatou, ia au i te Paraleipomeno 1, 19:2-4? [Taioraa o te Bibilia; hiˈo w73-F api 702]

19. Nafea te tatuhaaraa o te mau tahuˈa e 24 pǔpǔ e tauturu ia tatou ia ite i te mau “[matahiapo]” tei faahitihia ra i roto i te Apokalupo 4:4 (Par. 1, 24:4)? [Taioraa o te Bibilia; hiˈo w73-F api 287]

20. Mea nafea, ia au i ta tatou e taa ra, e tano ai te Paraleipomeno 1, 29:5 i to tatou nei mau mahana i roto i te nunaa o Iehova? [Taioraa o te Bibilia; hiˈo w90-F 1/7 api 31]

A faaî i te mau area i vaiihohia i roto i te mau pereota i muri nei:

21. E ․․․․․․․ to te oreroraa parau atoa o te horoa i te hoê aratairaa e o te faatuati ma te au maite ta ˈna mau tuhaa taa ê atoa. [sg-TH api 11 § 1]

22. Eita e ore ․․․․․․․ i rotopu i te hoê taeae aravihi e te feia i putuputu mai no te mea aita o ˈna e hiˈo pinepine ra i ta ˈna mau nota eita atoa i te mau taime tano ore. [sg-TH api 1 § 1]

23. No te faaiteraa e eita oia e farii ia faatura-ore-hia ta ˈna mau tavini i nominohia e a ˈna, ua faautua oioi Iehova i te mau tamarii tamaroa o tei faaooo ia ․․․․․․․ ta ˈna peropheta. [si-TH api 20 § 34]

24. E tia ia ite te taeae orero ia pahono i te uiraa ․․․․․․․. [sg-TH api 11 § 7]

25. Ua huti mai Mataio e o Luka i te manaˈo i roto i te huitupuna o te ․․․․․․․ no te haapapu maitai e o Iesu te Mesia. [si-TH api 6 § 23]

26. I te rahiraa o te taime, ia au maite te hoê oreroraa parau, te vai ra te ․․․․․․․ o te faatuati i to ˈna mau tuhaa taa ê. [sg-TH api 8 § 2]

A reni i te mau pahonoraa tano i roto i te mau faahitiraa i muri nei:

27. I muri aˈe to outou faataaraa i te upoo parau o ta outou oreroraa, te tuhaa i muri iho te maitiraa ïa i te mau (irava bibilia; faahiˈoraa; manaˈo matamua) ta outou e opua ra e faaohipa. [sg-TH api 13 § 9]

28. Ia tapea i te hoê manaˈo faatuea, e tia ia outou ia (paraparau maramarama maitai; tapea i roto i te feruriraa i te huru manaˈo o te feia i putuputu mai; tae te manaˈo). [sg-TH mau api 12, 13 § 17]

29. Te auraa o “te matahiti taau o Iotama” o te 20raa o te matahiti (o to ˈna oraraa; o ta ˈna faatereraa; ia taio mai to ˈna parahiraa i nia i te terono). (Te mau arii 2, 15:30.) [Taioraa o te Bibilia; hiˈo w80-F 15/12 api 7]

30. Ua turaihia te feia o tei haere mai “e tauturu ia Davida” e te (miimii; te hinaaro mau e turu taatoa i te faatereraa a Davida; te hinaaro e pee i te eˈa ohie). (Par. 1, 12:22.) [Taioraa o te Bibilia; hiˈo w83-F 1/6 api 18]

A faatuati te mau pereota i muri nei i te mau irava tano:

Te mau arii 1, 22:19-22; Te mau arii 2, 1:2, 7, 8; 5:1-5; 25:27-30; Par. 1, 9:26, 27.

31. E faaite to tatou huru ahuraa no te tahi tiaraa tatou aore ra no te hoê pǔpǔ taata tatou. [Taioraa o te Bibilia; hiˈo w73-F api 90]

32. Te tuhaa a te mau tiai uputa ati Levi o te hoê vahi haaputuraa otahi. [Taioraa o te Bibilia; hiˈo w88-F 1/12 api 21]

33. Noa ˈtu te manaˈo ra ratou e ua ite ratou e nafea ia faaafaro i te tahi mau tupuraa, e tia ia haafaufaa te mau matahiapo i te hiˈoraa o Iehova ma te haapii ia faaroo i te mea ta vetahi e parau ra e ma te tapea mai i roto i te mafatu i ta ratou mau faahitiraa te mau parau. [Taioraa o te Bibilia; hiˈo w74-F api 660]

34. Te haapapu ra te ihipǎpǎ e ua matara mai te hoê arii no Iudea tei hopoi-tîtî-hia i Babulonia na roto i te fare auri e ua horoahia ˈtu te tahi faito maa na ˈna. [Taioraa o te Bibilia; hiˈo gm-TH api 48]

35. E nehenehe te mau tamarii e turai i te feia paari ia ohipa. [Taioraa o te Bibilia; hiˈo w74-F api 594]