Te mau faaineineraa o te oroa Haamanaˈoraa

Ua faaarahia anei te mau taata atoa, e tae noa ˈtu te taata orero, i te hora e te vahi e tupu ai te oroa? E pereoo anei to te taata orero parau?

Ua ravehia anei te mau faanahoraa papu ia faaineine te hoê taata i te pane e te uaina?

Ua faanahohia anei ia afai mai te hoê taata i te hoê tapoˈi amuraa maa mâ e ia navai maitai te mau hapaina e te mau mereti?

Eaha te mau faanahoraa i ravehia no te tamâ i te Piha o te Basileia?

Ua faataahia anei te mau melo o te pǔpǔ farii taata e te feia opere? Ua faaineinehia anei te hoê putuputuraa e o ratou na mua ˈˈe i te oroa Haamanaˈoraa no te hiˈopoa faahou e eaha ta ratou ohipa e rave? Afea te reira e tupu ai? Eaha te ravehia ia operehia te pane e te uaina i te mau taata atoa i tae mai?

Ua ineine anei te mau ohipa no te tauturu i te mau taeae e te mau tuahine paari aore ra te feia hapepa? Ua ravehia anei te mau faanahoraa no te afai atu i te uaina e te pane na te mau kerisetiano i faatavaihia o tei pohehia i te maˈi aore ra eita ta ratou e nehenehe e haere mai i te Piha o te Basileia?