E parahi te feia haehaa i nia i te fenua
Te ite ra te rahiraa o tatou i te mau ohipa tano ore. Oia atoa i te feia ino o te hamani ino ra i te feia maitai e te hapa ore. E ore iho â anei te ohipa tano ore e te ino?
I roto i te Salamo 37, te faahiti ra te Bibilia e te vai ra te pahonoraa e te aratairaa maitai no tatou i teie mahana. A tapao na e nafea e pahonohia ˈi i to muri nei mau uiraa faufaa roa.
E nafea tatou i nia i te feia e hamani ino ra ia tatou?—Irava 1 e 2.
Eaha te tupu i nia i te feia ino?—Irava 10.
Eaha te a muri aˈe o te feia e rave ra i te mea maitai?—Irava 11 e 29.
Eaha te titauhia ra ia rave i teie nei?—Irava 34.
Mea papu roa te mau parau no ǒ mai i te Atua tei papaihia i roto i te Salamo 37. E a muri aˈe faahiahia mau to te feia “e tiai atu ia Iehova, a haapao maitai ai i to ˈna eˈa.” E oaoa roa te mau Ite no Iehova i te tauturu ia oe ia haapii i te Bibilia e ia ite eaha te rave ia fanaˈo oe e te feia herehia i tera a muri aˈe.