A maiti maitai no te fanaˈo i te hoê a muri aˈe papu

A 3 500 matahiti i teie nei, ua faaite Iehova i ta ˈna mau tavini eaha tei titauhia ia ratou ia rave no te fanaˈo i te hoê a muri aˈe papu. Ua parau o ˈna: “Ua tuu vau i te ora e te pohe i mua ia oe, te haamaitairaa e te ati. E e maiti oe i te ora ia ora oe, oe e to huaai.”—Deuteronomi 30:19.

No te fanaˈo i te hoê a muri aˈe maitai roa, ua titauhia ia ratou ia maiti maitai. Hoê â huru no tatou i teie mahana. Te faataa ra te Bibilia e nafea: “Ma te here ia Iehova to Atua, ma te faaroo i to ˈna reo.”—Deuteronomi 30:20.

E NAFEA IA HERE IA IEHOVA E IA FAAROO I TO ˈNA REO?

TA TE BIBILIA E HAAPII MAI: No te here ia Iehova, e titauhia na mua roa ia haapii i roto i te Bibilia o vai o ˈna. A na reira ˈi, e ite oe e Atua î i te here o ˈna o te hinaaro ra i te mea maitai roa ˈˈe no oe. E titauhia ia oe ia pure ia ˈna “no te mea te haapeapea mai ra oia no [oe].” (Petero 1, 5:7) Te fafau ra te Bibilia e ia rave oe i te mau tutavaraa no te faafatata ˈtu ia ˈna, “e faafatata mai oia ia [oe].”—Iakobo 4:8.

A FAAOHIPA I TA OE E HAAPII: E nafea ia faaroo i te reo o te Atua? Ma te pee ïa i ta ˈna mau aratairaa î i te paari i roto i te Bibilia. “I reira ïa oe e manuïa ˈi i roto i to oe oraraa e e ohipa ˈi oe ma te paari.”—Iosua 1:8.