Eaha ta te Bibilia e parau ra?
I te hoê mahana, e itehia anei te parau-tia i nia i te fenua?
Eaha ta oe e pahono?
E
Eita
Peneiaˈe
Ta te Bibilia e parau ra
“Ua ite hoi au e tauturu mai Iehova i te parau a te taata haehaa, te parau-tia a te feia veve.” (Salamo 140:12) Na te Faatereraa arii a te Atua e hopoi mai i te parau-tia i nia i te fenua.
Eaha ˈtu â ta te Bibilia e haapii mai?
Te ite ra te Atua i te mau ohipa tia ore na te ao nei e e faatitiaifaro o ˈna i te reira.—Koheleta 5:8.
Ia faatupu te Atua i ta ˈna parau-tia i nia i te fenua, e itehia te hau e eita te taata atoa e haapeapea faahou ia hamani-ino-hia ratou.—Isaia 32:16-18.
No te Atua, te vai ra anei hoê nunaa taata o tei hau aˈe i te tahi atu?
Te manaˈo ra vetahi ua haamaitai e ua faautua te Atua i te tahi mau pǔpǔ taata taa maitai. Te manaˈo ra te tahi atu, hoê â huru to te Atua i nia i te mau taata atoa. Eaha to oe manaˈo?
Ta te Bibilia e parau ra
“E ore te Atua e maitiiti i te taata, i roto râ i te mau nunaa atoa, e farii oia i te taata o te mǎtaˈu ia ˈna e o te rave i te mea tia.” (Ohipa 10:34, 35) No te Atua, aita te tahi nunaa taata i hau aˈe i te tahi atu, hoê â faito ratou pauroa.
Eaha ˈtu â ta te Bibilia e haapii mai?
“E parau apî oaoa” ta te Bibilia no “te mau nunaa e opu e reo atoa.”—Apokalupo 14:6.