O te paradaiso i nia i te fenua te tiai mai ra i te feia o te ora ˈtu i te anotau hopea
Eaha ta te Bibilia e parau ra?
Te ora ra anei tatou i te “anotau hopea”?
E pahono anei oe:
E
Aita
Peneiaˈe
Ta te Bibilia e parau ra
“E tupu te ati rahi i taua anotau hopea nei, ia ite mai oe.” (Timoteo 2, 3:1) Te haapapu ra te mau parau tohu e te mau ohipa e tupu ra, te ora nei tatou i te “anotau hopea.”
Eaha ˈtu â ta te Bibilia e haapii mai?
E riro te mau tamaˈi, te pohe poia, te mau aueueraa fenua e te mau maˈi pee ei tapao faaite e te ora ra tatou i te anotau hopea.—Mataio 24:3, 7; Luka 21:11.
I te anotau hopea, e faaite te taata i te haerea ino e eita atoa e hinaaro i te Atua.—Timoteo 2, 3:2-5.
Eaha te oraraa e tiai mai ra i te huitaata?
Ta vetahi e tiaturi ra: Ia hope te anotau hopea, e haamouhia te fenua e te mau taata atoa. Te manaˈo ra te tahi atu, e maitai mai te tupuraa o te ao. Eaha to oe manaˈo?
Ta te Bibilia e parau ra
“E parahi te feia parau-tia i nia i te fenua, e parahi tamau â ratou i reira.”—Salamo 37:29.
Eaha ˈtu â ta te Bibilia e haapii mai?
Ia hope te anotau hopea, e haamouhia te feia iino atoa.—Ioane 1, 2:17.
E faarirohia te fenua ei paradaiso.—Isaia 35:1, 6.