Parau tohu 4. Aroha ore

“E riro te taata nei ei . . . aroha ore.”—TIMOTEO 2, 3:1-3.

● Tei roto Chris i te hoê pǔpǔ i Beretane e tauturu ra i tei haavî-uˈana-hia i te fare. “Te haamanaˈo ra vau i te hoê vahine i haere mai tei taparahi-ino-mau-hia e aita ˈtura vau i taa e o ˈna tera,” ta Chris ïa e parau ra. “Ua pepe roa vetahi atu mau vahine i te pae feruriraa no te hiˈo tia ˈtu ia oe.”

TA TATOU E ITE NEI. I te hoê fenua Afirika, fatata 1 vahine i nia i te 3 tei rave-ino-hia i te pae taatiraa i te tamarii-rii-raa. Ua faaite te hoê titorotororaa i tauâ fenua ra e ua hau atu i te 1 tane i nia i te 3 tei manaˈo e mea tano ia tupai i ta ratou vahine. E ere noa râ te vahine tei taparahihia i te fare. Ei hiˈoraa, i Kanada, fatata e 3 tane i nia i te 10 tei taparahihia aore ra tei rave-ino-hia e to ratou hoa.

TEI FAAROO-PINEPINE-HIA. I vai noa na te haavîraa uˈana i te fare. I teie nei noa te haapao-maitai-roa-raahia te reira.

UA TANO ANEI TEI PARAUHIA? A tahi ra te haavîraa uˈana i te fare i haapao-maitai-roa-hia ˈtu â ˈi. Ua iti roa anei râ teie fifi i te mea e te haapao-maitai-aˈe-hia ra? Aita roa ˈtu. Ua parare roa te aroha ore.

EAHA TO OE MANAˈO? Te tupu ra anei te Timoteo 2, 3:1-3? Ua ore anei te aroha o e rave rahi no to ratou utuafare?

Ua taaihia te 5raa o te parau tohu ta oe e ite nei i te tupu i to tatou fare, te fenua. A hiˈo i ta te Bibilia e parau ra no nia i te reira.

[Parau iti faaôhia i te api 7]

“O te haavîraa uˈana i te fare te hoê o te mau ohipa iino paraparau-ore-hia tamau roa ˈˈe na te ao nei. I nia i te hoê faito au noa e taparahihia te hoê vahine e to ˈna hoa e 35 taime hou a haere ai i te mutoi.”—AUVAHA O TE RENI TAUTURU NO BERETANE NO TEI HAAVÎ-UˈANA-HIA I TE FARE.