E itehia anei te mauruuru?

“E taoˈahia te taata veve i te mauruuru; e vevehia te taata moni i te mauruuru ore.”—Benjamin Franklin.

IA AU i teie parau, ua haapii e rave rahi e eita e nehenehe e hoo mai i te mauruuru. E ere ïa i te mea maere e e mea fifi ia ite i te reira i roto i te hoê ao e faaitoito ra i te taoˈa rahi, te manuïaraa, aore ra to vera ma oraraa! Tei roto anei oe i te hoê o teie mau tupuraa?

• Te haapine ra te feia tiani i te faaite ia oe e e noaa te mauruuru ma te hoo e rave rahi taoˈa.

• Te turai ra te tataˈuraa i te ohipa e i te fare haapiiraa ia oe ia manaˈo e mea maitai oe ia au noa i ta vetahi ê e rave ra.

• Aita te taata e haafaufaa ra i ta oe e rave ra no ratou.

• Te turai ra to oe mau hoa ia oe ia hinaaro i ta ratou e fanaˈo ra.

• Aita ta oe mau uiraa faufaa roa no nia i te oraraa i pahonohia ˈtura.

I mua i teie mau fifi, e ite-mau-hia anei te mauruuru? Ua faahiti te aposetolo Paulo i te ravea e ite ai i te mauruuru. Ua ite oia i te hoê oraraa fanaˈo, e ua ite atoa i te hoê oraraa navai noa. Ua faahiahia te tahi o to ˈna mau hoa ia ˈna, ua faaooohia râ e vetahi. Ua parau râ oia e i “te mau mea atoa ra ua pii [aore ra haapii] ïa vau.”—Philipi 4:11, 12.

Eaha te mauruuru? Aita te feia i ore aˈenei i faaitoito i te imi i te reira i ite. E nehenehe râ e haapiihia ia au ia Paulo. No te aha e ore ai e hiˈopoa i na ravea e pae ta te Parau a te Atua, te Bibilia, e horoa ra no te ite i te mauruuru?