Teihea hoi te Atua? — VAIRAA PAPAI NATIRARA Watchtower

Teihea hoi te Atua?

11 no Tetepa 2001: I te hora 8:46 i te poipoi, ua û te hoê manureva i nia i te pare apatoerau o te World Trade Center i New York. O te ohipa totoa matamua ïa i opuahia i taua mahana ra. I roto noa 102 minuti, fatata e 3 000 taata tei pohe.

26 no Titema 2004

Ua faatupu te hoê aueueraa fenua faito 9.0 i roto i te moana Initia i te hoê anairaa are haapohe tei tairi 11 fenua, o Afirika atoa, fatata e 5 000 kilometera hoi i te atea. I taua noa mahana ra, 150 000 taata tei pohe aore ra tei moe, e hau atu i te hoê mirioni aita e nohoraa faahou.

1 no Atete 2009: A tere haere ai te hoê papa e 42 matahiti e ta ˈna tamaiti e 5 matahiti na nia i te miti, ua û raua i nia i te hoê uahu. Pohe atura te papa e i te mahana i muri iho, ta ˈna tamaiti ïa. “Ua tiaturi matou i te hoê semeio ia ora mai oia [te tamaiti],” ta te hoê fetii peapea roa i parau.

Ia taio oe no nia i te mau ohipa totoa aore ra te mau ati natura aore ra ia atihia oe, te uiui ra paha oe: Te ite ra anei te Atua i te ohipa e tupu ra? Ua faarue anei oia ia tatou? E ite mai tatou e e pahonoraa mahanahana ta te Bibilia.

[Faaiteraa i te fatu o te hohoˈa i te api 3]

PRAKASH SINGH/AFP/Getty Images