NA TE AO NEI

Na te ara

Eita e navai noa ia rahi te maa no te faaore i te pohe poia. E au ra e te faahotu nei te feia faaapu i te maa no 12 miria taata. Ua hau ïa i te pae miria taata o to tatou paraneta. O te faaohiparaa, te opereraa e te haamâuˈaraa o te maa te fifi mau.

Beretane e Marite

Te tiaturi nei fatata e 24 % taata tapihoo uiuihia e “no te manuïa, e titauhia ia rave i te ohipa tia ore.” Te parau nei râ 16 % e “ahani eita e faautuahia,” e rave iho â ratou i te tahi ohipa ino.

Raparata

No te teimaha o te ohipa aore ra no te haavîraa uˈana i te fare haapiiraa, te ani nei e 3 orometua i nia e 5 i te mahana faafaaearaa.

Korea Apatoa

I reira, e pinepine te taata e faaoti i te faaea taa noa.

Taina

E au ra e i 2016, eita e piti i nia i te toru o te mau oire Tinito e auraro i te mau faatureraa a te faatereraa apî no nia i te reva. Hau atu â, mea “viivii aore ra viivii roa” te rahiraa o te mau pape pihaa.