“Ta oe ô faufaa roa”

MEA na reira to te hoê faatere hau nui tahito no Beletita faataaraa i te buka Te taata rahi roa ˈˈe i ora aˈenei.a Ua haere atu te hoê taata tapiri e farerei auhoa ia ˈna, e ua farii oia i te buka. I muri aˈe, ua papai oia i te hoê rata haamauruururaa: “Ua putapû roa vau i to oe tere auhoa, e ua hau atu vau i te putapû i ta oe ô faufaa roa: te buka papaihia no ‘Te taata rahi roa ˈˈe.’”

Ua hiˈopoa te faatere hau nui tahito i te buka e ua faaoti e: “Ahiri te taata e anaanatae maitai aˈe i te poroi o te Evanelia e e ohipa ia au i te mau faaueraa tumu a Iesu Mesia, e taa ê roa ïa te huru o te ao i teie mahana. Aita ïa e faufaa te hoê Apooraa o te parururaa; aita atoa ïa e ohipa totovaraa, e e ore roa ïa te haavîraa uˈana i te ao nei.” Noa ˈtu e ua farii oia e e au taua parau ra i te mea fifi ia tupu, ua faaite oia i te faatura i te tere auhoa o to ˈna taata tapiri.

Ua na ô faahou te rata: “Te apiti ra oe i te hoê pǔpǔ taata maitai rahi e ere i te feia manaˈo tiaturi, e ere atoa i te feia manaˈo taiâ, e feia râ e tiaturi ra i te maitairaa o te taata e o te mau mea atoa.”

Te tiaturi ra te mau Ite no Iehova e na roto i te haaraa a te Atua, eiaha na roto i te mau tutavaraa a te taata, e maitai aˈe ai te ao i te pae hopea. Te tamata ra ratou i te pee i te taata rahi roa ˈˈe o Iesu Mesia. Ua farerei anei te mau Ite no Iehova ia oe aita i maoro aˈenei? E oaoa paha oe i te aparau e o ratou no nia i te taata rahi roa ˈˈe i ora aˈenei. E e oaoa ratou i te pûpû atu na oe i te buka i haaputapû roa i te faatere hau nui tahito.

[Nota i raro i te api]