Te hoê oroa e mea tia ia haamanaˈohia

TEIHEA oroa? O te poheraa ïa o te hoê taata fatata e 2 000 matahiti i teie nei. “O vau e horoa i to ˈu ora, e a rave faahou atu ai,” o ta ˈna ïa i parau. “Aore roa e taata e riro ai ia haru, na ˈu iho râ e horoa noa ˈtu.” (Ioane 10:17, 18) O Iesu Mesia tera taata.

Ua faaue Iesu i ta ˈna mau pǐpǐ ia faatupu i te Oroa haamanaˈoraa i to ˈna poheraa tusia. E parau-atoa-hia teie oroa “te amuraa maa a te Fatu.” (Korinetia 1, 11:20) E faatupuhia te Oroa haamanaˈoraa ta Iesu i haamau no te haamanaˈo i to ˈna poheraa e te mau Ite no Iehova e to ratou mau hoa i te Mahana maha 24 no Mati 2005, i muri aˈe i te toparaa mahana.

E faataa te hoê oreroraa parau bibilia i te auraa o te pane hopue ore e te uaina uteute e faaohipahia i reira. (Mataio 26:26-28) E pahono atoa te oreroraa parau i te mau uiraa mai teie: Ehia taime i te matahiti e mea tia ˈi ia faatupu te mau Kerisetiano i teie oroa? O vai te nehenehe e amu i te pane e e inu i te uaina? O vai te faufaahia i te poheraa o Iesu? E tauturu teie oroa faufaa i te taatoaraa ia taa eaha te tumu o te ora e te pohe o Iesu.

E fariihia outou ma te mahanahana i te Oroa haamanaˈoraa i te poheraa o Iesu. A ani atu na i te mau Ite no Iehova no to outou vahi eaha te vahi e te hora tia e tupu ai te putuputuraa.