Mau manaˈo e vai maoro

I TE mau matahiti atoa, e tahoê mai te mau Ite no Iehova i roto i to ratou iho fenua i te mau tairururaa Kerisetiano. Te na reira nei ratou no te fanaˈo i te haapiiraa e te auhoaraa o te patu i te pae varua. E nehenehe atoa râ te tahi atu mau tuhaa o ta ratou mau haaputuputuraa e horoa i te tahi manaˈo e vai maoro i nia i te feia mataitai.

I te avaˈe Tiurai 1999, ei hiˈoraa, ua putuputu mai e mau tausani Ite i Mozambique e toru mahana faufaa i te mau Tairururaa Mataeinaa “Te parau tohu a te Atua.” E tairururaa matamua tera no te feia e rave rahi i tae mai. Ua putapû ratou, eiaha noa i te mau parau ta ratou i faaroo na nia mai i te tahua, i te mea atoa râ ta ratou i ite e ati aˈe ia ratou.

Teie te hoê manaˈo i horoahia i te Fare Tairururaa i Maputo: “Aita vau i ite aˈenei i te hoê vahi nehenehe mai teie i roto i to ˈu oraraa taatoa! E puˈa e e mau hiˈo to roto i te mau fare pape, e te hauˈa mâ atoa hoi. E mau vahi hau te itehia ra, aita e maniania tamaˈiraa tamarii. E aita e turairaa taata! Ua ite au i te mau taurearea oaoa e tauaparau ra ma te faaitoito. Ua putapû atoa vau e mea faanehenehe maitai te taata atoa. I mua nei, e afai mai au i ta ˈu mau tamarii e e taparuparu vau i ta ˈu tane e e tia ia matou ia haere i teie tairururaa.”

Oia, ua tapaohia te haerea tia, te hapa ore e te mâ o te mau Ite no Iehova i te pae tino. No te aha te mau Ite e taa ê ai? No te mea te tamata mau ra ratou i te faaohipa i te mea ta ratou e haapii ra i roto i te Bibilia. No te aha ïa e ore ai e putuputu mai e o ratou i teie matahiti i ta ratou mau tairururaa no te mau nunaa aore ra i ta ratou mau putuputuraa i te mau hebedoma atoa i roto i te hoê Piha a te Basileia e na outou iho e hiˈo?

[Hohoˈa i te api 32]

ZAMBIE

[Hohoˈa i te api 32]

KENYA

[Hohoˈa i te api 32]

MOZAMBIQUE