Te tapea-maite-raa i te hoê roo maitai

E NEHENEHE te tuatapaparaa i te hoê hohoˈa peni haviti e riro ei ohipa maitai roa. Na roto i te hiˈopoa-maitai-raa, e ite te hoê taata nafea te hoê taata peni hohoˈa i te faaohiparaa tau hanere peniraa rau i nia i te hoê ahu.

E noaa atoa mai te hoê roo maitai, eiaha na roto i te tahi peniraa, ei auraa parau, na roto râ i te mau ohipa rii e rave rahi i ravehia i te roaraa o te hoê area taime. Oia, e patu-mǎrû-noa-hia to tatou roo na roto i te mau ohipa ta tatou e rave.

I te tahi aˈe pae, e nehenehe te hoê peniraa hape e faaiti i te faufaaraa o te hoê hohoˈa peni. Oia atoa no to tatou roo. Teie ta te Arii paari ra o Solomona i parau: “Na te maamaa o te taata e haapiˈo i to ˈna haerea.” (Maseli 19:3) E nehenehe ïa te tahi mea maamaa iti—te riri-uˈana-raa paha, te inu-hua-raa i te ava, aore ra te tahi peu tia ore i te pae taatiraa—e faaino i te hoê roo maitai. (Maseli 6:32; 14:17; 20:1) No reira, e mea faufaa roa ïa ia tutava tatou ia noaa mai te hoê roo maitai e ia rohi ma te itoito i te tapea maite i te reira.—A faaau e te Apokalupo 3:5.