A taio e ta outou mau tamarii

Ia au i te vea Beresilia ra Veja, mea hinaaro aˈe na te mau tamarii a te feia taio rahi e taio i te mau buka, i te mau tamarii aita to ratou mau metua e taio rahi ra i te fare. “E haapaari te taio-amui-raa i te taairaa piri i rotopu i te mau metua e ta ratou mau tamarii, e e nehenehe ïa te tamarii e apo maitai aˈe i te mau mea i papaihia i roto i te mau buka,” ta Martha Hoppe, vahine ite i te tupuraa o te tamarii, ïa e parau ra.

Na roto i te taioraa ma te reo puai e ta outou mau tamarii, e nehenehe atoa ïa outou e pahono i te mau uiraa. E nehenehe outou e paraparau i nia i te mau hohoˈa atoa i apitihia i te tumu parau. “Rahi noa ˈtu te hoê tamarii i te taa i te mau mea i papaihia i roto i te mau buka,” ta Hoppe ïa e parau ra, “rahi noa ˈtu â oia i te turaihia ia imi i te reira ia hinaaro oia e haamâha i to ˈna hinaaro e ite.”

Mea au na te mau metua Ite no Iehova e rave rahi e taio e ta ratou mau tamarii. Te taio ra paha ratou i te mau buka ra Ta ˈu Buka Aamu Bibilia, Faaroo i te Orometua rahi, e Te taata rahi roa ˈˈe i ora aˈenei.a Eita noa te mau buka mai teie e tauturu i te mau tamarii ia riro ei feia taio maitai, e faarahi atoa râ i to ratou anaanatae i te buka numera hoê i te ao nei—te Bibilia Moˈa. No reira, mai te peu e e metua outou, a horoa i te hiˈoraa i ta outou mau tamarii na roto i te riroraa ei taata taio rahi i te Parau a te Atua. (Iosua 1:7, 8) E na roto i te mau ravea atoa, a rave i te taime no te taio e o ratou!

[Nota i raro i te api]