Ua haapopou oia i te hoê tairururaa “faahiahia roa”

UA TAUPUPU te manaˈo o te hoê auvaha radio no Lima, i te fenua Peru, no nia i te mau Ite no Iehova. I muri aˈe râ i to ˈna haereraa ˈtu i te hoê o ta ratou mau tairururaa, ua taui roa to ˈna huru. Inaha, no to ˈna putapû rahi, ua faahiti oia i te tahi mau parau haapopouraa i mua i te feia e faaroo ra i ta ˈna pu radio. Teie vetahi mau parau o ta ˈna i faahiti:

“Aita ˈtu parau, e mea faahiahia roa te tairururaa. Aita hoê papie i nia i te tahua, aita atoa e taata hoohoo i taua vahi ra. Aita e maumauraa pereoo. E 5 200 taata o tei haere mai i te tahua tuaro ma te aufau i to ratou tere, e ua rave mai te rave ohipa tataitahi i te patete, te horoi, te tahitahi, te ohi pehu, te purumu, te purumu ahu, te rimarima, e te puˈa no te tamâ e no te purumu i taua vahi nei. I te vahi e tia ia penihia, ua peni ïa ratou. E na vai e aufau? Na ratou iho! Ia faaara-anaˈe-hia ratou e te vai ra te hoê mea te tia ia ravehia, e horoa noa mai ratou i te moni. Ua ite outou, aita te Ekalesia Katolika e tâuˈa nei i teie mau tuhaa. Te hinaaro nei au e haapopou i te mau Ite no Iehova e i te feia i tiaau i teie ohipa. E te hinaaro nei au e parau atu ia ratou mai te hohonuraa mai o to ˈu mafatu e, Ia tauturu mai te Atua ia outou e ia haamaitai mai oia ia outou.”

I roto i te mau oire o te ao nei i teie matahiti, e fanaˈo te mau Ite no Iehova i te Tairururaa Mataeinaa “Te huru oraraa fariihia e te Atua.” E haere atoa mai anei outou?

[Parau iti faaôhia i te api 32]

“Aita hoê papie i nia i te tahua”