‘Te hinaaro-rahi-hia nei te mau taata haerea tia’

Mea varavara roa te haerea tia i roto i teie ao i teie nei tau. Tera râ, e titauraa matamua teie na te mau Kerisetiano. Teie ta Paulo i papai: “Ei haerea tia to tatou i te mau mea atoa nei.” (Hebera 13:18, MN) O ta Wilma ïa, e Ite no Iehova oia i Faenza, i Italia, i hinaaro e rave.

Te faatia ra te vea ra Il Resto Del Carlino e, i te iteraahia mai ia Wilma te hoê pute mea rahi te moni i roto, i rapaeau i te hoê fare toa o to ˈna oire, ua afai atura oia i te mau mutoi ra “ma te ore e haamarirau,” ia nehenehe e faahoˈihia ˈtu i te taata na ˈna teie pute.

I to te tavana oire faarooraa i teie ohipa, ua hapono oioi atura oia i te hoê parau haamauruururaa iti ia Wilma. Teie ta ˈna i papai atu: “Na nia i te iˈoa o te Oire, te haamauruuru atu nei au ia oe no te ohipa maitai roa o ta oe i rave. Te hinaaro-rahi-hia nei te mau taata maitatai e te haerea tia i roto i to tatou nei oire roo maitai no Faenza.”

Noa ˈtu e e itehia mai ta tatou mau ohipa maitatai aore ra eita, e tia ia tatou ia tutava noa i te faaite i te haerea tia. Mai ta te mau Papai Moˈa e faaue ra, ‘e haapao maite tatou i te mea tia, eiaha i mua i te aro o te Atua anaˈe ra, i mua atoa râ i te aro o te taata.’—Korinetia 2, 8:21.