Te hoê oroa e ore e tia ia outou ia mairi

“Te mau mea maitatai i ho-mai-hia mai, e te mau mea tia roa” no ǒ mai ïa i te Atua ra, to tatou Metua i te raˈi ra. (Iakobo 1:17) Te ô rahi roa ˈˈe ta te Atua i horoa no te huitaata hara nei no te tapoˈi i ta ratou mau hara o ta ˈna ïa Tamaiti fanau tahi, o Iesu Mesia. Ei Hoo no tatou e nehenehe te pohe o Iesu e faatupu i te ora mure ore i nia i te fenua nei o te riro ei paradaiso. I roto i te Luka 22:19, te faauehia nei tatou ia haamanaˈo i to ˈna poheraa.

Te titau manihini atu nei te mau Ite no Iehova ia outou ia amui mai e o ratou no te haafaufaa i te faaueraa a Iesu. E tupu teie nei oroa matahiti i muri aˈe i te taperaa mahana no te 14 no Nisana ia au i te kalena avaˈe a te Bibilia o te topa hoi i te Mahana piti 2 no eperera 1996. A tapao i teie taio mahana ia ore e moehia ia outou. E nehenehe te mau Ite no Iehova o to outou vahi e faaite ia outou i te vahi e te hora e tupu ai taua oroa ra.