Te mau ruahine no te hoturaa e te tamaˈi

I ROTO i te hoê maimiraa i te pae o te ihipǎpǎ i Ebla, Turia, ua itehia mai i te hoê taoˈa e faahohoˈa ra ia Ishtar, te ruahine no Babulonia no te hoturaa e te tamaˈi. Te faataa ra te taata tuatapapa i te pae ihipǎpǎ ra o Paolo Matthiae i te reira mai te hoê “titiro menemene e te hoê hohoˈa faaroo o te hoê tahuˈa vahine tei purouhia i mua i te hoê hohoˈa atua noa . . . o tei patitihia i nia i te hoê raau roa e te rairai.”

Mea faufaa roa te ohipa i itehia mai, no te mea no te haamataraa o te senekele 18 hou to tatou nei tau mai â te hohoˈa. Ia au ia Matthiae, te horoa ra te reira i te “haapapuraa paari” e ua vai noa te haamoriraa ia Ishtar te tahi tau 2 000 matahiti te maoro.

Ua haamata te haamoriraa ia Ishtar i Babulonia e i muri iho ua parare te reira i roto i te Hau emepera no Roma. Ua faaue o Iehova i te mau ati Iseraela ia faaore i te haapaoraa hape atoa i roto i te Fenua i tǎpǔhia mai, no te mea râ aita ratou i na reira, ua riro te haamoriraa ia Asetarota (te apiti no Kanaana o Ishtar) ei marei no ratou.—Deuteronomi 7:2, 5; Te mau tavana 10:6.

Noa ˈtu e aita o Ishtar e ta ˈna apiti ra o Asetarota i vai maoro mai, te parare ra te mau huru ta raua i faataipe na—te peu tia ore i te morare e te haavîraa uˈana. E mea maitai ia aniani tatou e ua taa ê rahi anei te totaiete o teie nei tau i to taua mau huiraatira tahito ra o tei haamori i taua mau ruahine ra no te hoturaa e te tamaˈi.

[Hohoˈa i te api 20]

Ua faatusia-atoa-hia te mau tamarii no Tanit

[Faaiteraa i te tumu]

Ralph Crane/Bardo Museum