Mea iti e te puai râ

UA RATERE o Robert, hoê taurearea no Kanada, na Europa ma i te maimiraa i te fa o to ˈna ora. I te mea e ua ite o ˈna e rave rahi mau ohipa, paruparu atura to ˈna manaˈo tae no nia i te tau no a muri atu.

I to ˈna faafaaearaa i roto i te hoê fare inuraa taofe i Seville, i Paniora, ua tapea noa o Robert i te hoê api parau iti neneihia e te mau Ite no Iehova. I te haamataraa, aita o Robert i tiaturi vave noa i taua mau parau ra. “Teie râ, ua taio iho â vau, ta ˈna i parau. Eita vau e nehenehe e tatara atu i te reira, mai te huru ra e ua ite atura vau i te auraa o te mau mea atoa. I te roaraa o ta ˈu mau ratereraa na te ara, ua ite au e rave rahi mau huru hepoheporaa o te mau taata e tae noa ˈtu i to ˈna toparaa, ua inoino vau no te mea aita ta ˈu ravea no te taui i te mau ohipa. I muri mai i to ˈu taioraa i taua api parau iti ra, ua aniani atura vau ia ˈu iho e, ‘E haamauhia anei tera “ao apî”?’ I muri iho, manaˈo atura vau i roto ia ˈu iho e: ‘E, peneiaˈe e haamauhia iho â.’”

No to ˈna tiaturi-faahou-raa mai, papai atura Robert i te amaa a te mau Ite no Iehova i Kanada, no te ani e ia haere mai te hoê taata e farerei ia ˈna ia hoˈi mai oia i te fare e ia tauturu ia ˈna ia taa i te Bibilia.

Ma te feaa ore, e mana rahi to te mau parau. Teie râ, eiaha roa ˈtu e haafaufaa ore i te puai o te mau poroi neneihia. Noa ˈtu e eaha te itiraa, e mana rahi to te mau buka niuhia i nia i te Bibilia. Te haaputapû ra te reira i te feruriraa e te mafatu, ma te horoa i te hoê tiaturiraa papu no te tau no a muri atu.—Hebera 4:12.