Mau manaˈo faaite-tahaa-hia no te tiaturiraa i te Atua
A HOPE noa ˈi te senekele i mairi aˈenei, ua haaparuparu te mau manaˈo i turu i te ite aivanaa, te haapiiraa philosopho e te patoiraa o te ohipa ekalesiatiko i te tiaturiraa i te Atua e te faauruaraa o te Bibilia.
E ere râ te mau manaˈo anaˈe o tei haapararehia. Ua ite e rave rahi mau taata maimi e e nehenehe e faatia rahi mai no nia i te ohipa tururaa o te tiaturiraa maoti te tiaturi-ore-raa i te Atua. Ua faaite atoa ta ratou mau maimiraa i te haapapuraa rahi e ua riro mau â te Bibilia ei Parau faauruahia e te Atua.
Ua riro o C. T. Russell ei taata tuiroo no te faatia ˈtu i to ˈna manaˈo no nia i taua tumu parau ra. Ua taio e rave rahi mirioni taata i ta ˈna buka Te tabula anotau a te Atua (beretane) no te matahiti 1886. E upoo parau puai roa to roto, oia hoi, “Te vai-mau-raa o te hoê Poiete Maramarama Teitei aˈe faataa-papu-hia.”
I te roaraa o te mau tau ahuru matahiti i muri iho, ua papai o Russell i te mau tumu parau, te mau api parau iti, e te mau buka tei horoa i te mau tumu papu mau no te tiaturi i te Atua e te Bibilia. Ua neneihia te reira e te Taiete Watch Tower Bible and Tract Society. Ua papai te piti o to ˈna peretiteni, o J. F. Rutherford, i te Poieteraa (1927) na roto i te reo beretane e te tahi atu mau papai tei turu hau atu â i te tiaturiraa i te Atua.
Aita i maoro aˈenei, ua faaineine taua taiete ra i te tahi atu mau haamaramaramaraa faatanohia i to tatou nei tau no nia i teie mau tumu parau. E nehenehe te mau Ite no Iehova e horoa mai i taua haamaramaramaraa ra, ia hinaaro outou e tuatapapa i te reira.
Mai te peu e te hinaaro ra outou e ite hau atu â aore ra ia haere mai te hoê taata no te aratai i te hoê haapiiraa bibilia tamoni ore i to outou fare, a papai atu ïa i te amaa a te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 2.