Te apiti ra ratou i te hoê autaeaeraa tahoê

Tei te 7 no atete o te matahiti 1993 tatou, i te tahua repubilita no Kiev i Ukraine. Te tiai nei hau atu i te 64 000 feia i putuputu mai ma te faahiahia ia tae anaˈe mai te taime. I reira, ei pahonoraa i na uiraa papu e piti, ua pahono mai tau tausani e “Da!,” (“E!”) I te na reiraraa, ua faaite ratou i mua i te taatoaraa i to ratou faaroo e ua tae roa ratou i te faataiperaa i to ratou pûpûraa i te Atua ra o Iehova na roto i te bapetizoraa i roto i te hoê o na vahi hopu e ono o te tahua.—Mataio 28:19.

Inaha, i teie na toru mahana tairururaa nunaa “Te Haapiiraa no ǒ mai i te Atua ra” a te mau Ite no Iehova, ua ite te feia i ruru mai i te hoê nahoa feia bapetizo faahiahia mau: e 7 402 feia i bapetizohia e o tei faaô eiaha i roto i te hoê ekalesia tei amahamaha, i roto râ i te hoê amuiraa kerisetiano tei tahoêhia i roto i te ao atoa nei.

Mai te peu e te hinaaro nei outou e haapii hau atu â i nia i te tahoêraa kerisetiano, a papai atu ïa i te amaa a te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 2.