“E taio na mua tatou hou tatou e faaooo ai”

O TA te hoê taata no Niu Zelani ïa i parau no nia i Te Pare Tiairaa, te vea o ta outou e taio nei. No nia i te hoê tumu parau e tatara ra i te pereoo no te raˈi a te Atua o tei faataahia i roto i te Ezekiela pene 1, ua papai mai teie taata e:

“Te vai ra to teie na mea ora tataitahi e maha, oia hoi te mau kerubi, e maha pererau e e maha hohoˈa mata. E mata liona to ratou, oia hoi te parau-tia o Iehova; e mata puaatoro, oia hoi te puai o te Atua; e mata aeto, oia hoi to ˈna paari; e e mata taata, e faaite ra i te here o Iehova.

“I muri aˈe i to ˈu na nia-iho-noa-raa i te taio i teie parau, ua tupu mai te hoê huru mahanahana mau i roto i to ˈu mafatu. Ua tahe aˈera to ˈu roimata, e pape mata oaoa hoi. Teie te manaˈo matamua i puta mai, ‘E Atua nehenehe mau â oe e te au, e Iehova e!’ Te maere nei au ia ˈu iho no teie mau huru apî o ta ˈu e faatupu nei no teie Atua ra o Iehova o ta ˈu hoi i faaooo noa na e rave rahi mau matahiti te maoro, no te mea e taata vau no teie nei ao. Te parau nei au ‘Mauruuru’ i te mau Ite no Iehova, e i te feia mai ia ˈu nei te huru, te parau nei au, ‘E taio na mua tatou hou tatou e faaooo ai.’”