Rururaa matahiti

2 NO ATOPA 1993

E TUPU te rururaa matahiti a te mau melo o te Watch Tower Bible and Tract Society of Pennsylvania i te 2 no atopa 1993 i te Piha Tairururaa a te mau Ite no Iehova, 2932 Kennedy Boulevard, i Jersey City, i te Hau no New Jersey. E tupu te hoê rururaa faaineineraa na te mau melo anaˈe i te hora 9 e te afa i te poipoi, e i muri iho, e haamata te rururaa matahiti rahi i te hora 10.

E tia i te mau melo o te Taatiraa ia faaara ˈtu i te Piha ohipa a te Papai parau i teie nei mai te peu noa ˈtu e ua taui to ratou vahi nohoraa i te matahiti i mairi aˈenei ia nehenehe te mau rata faaararaa e te mau parau homana e faataehia ˈtu i muri noa ˈˈe i te 1 no atete.

E tia ia faahoˈi atu i te mau parau homana, e faataehia ˈtu i te mau melo apitihia ˈtu i te parau faaararaa no te rururaa matahiti, i te Piha ohipa a te Papai parau a te Taiete eiaha ia mairi atu i te 15 no atete. E tia i te melo tataitahi ia faaî e ia faahoˈi oioi atu i ta ˈna parau homana, ma te haapapu ahiri e e tae tino mai anei oia i te rururaa aore ra eita. E tia ia haapapu maitai i te faaotiraa i papaihia i nia i te mau parau homana tataitahi, no te mea ia au i teie parau e faataahia ˈi e o vai te feia e tae tino mai.

Te manaˈohia ra e e hope te rururaa taatoa, e tae noa ˈtu te putuputuraa ohipa e te mau tabula, i te hora 1 i te avatea aore ra i muri noa ˈˈe. Aita e rururaa i te avatea. No te iti o te mau parahiraa, e farii-noa-hia te feia e titeti ta ratou. Aita te tahi faanahoraa i ravehia no te taai atu i teie rururaa matahiti na roto i te reni niuniu e te tahi atu mau piha tairururaa.