A ara mai na! Ua noaa mai te re auaa teie vea i Italia

I te matahiti i mairi aˈenei, ua papai te hoê tamahine haere haapiiraa e 10 matahiti i Italia i te hoê parau no nia i te tumu parau ra “Ahiri e e nehenehe ta te fenua e paraparau.” Ua vauvauhia te tumu parau mai te hoê aparauraa i rotopu i te fenua e te hoê aiû iti o tei ani atu i te fenua e no te aha o ˈna e taˈi ai. Ua faataa ˈtura te tamahine e:

“Ua pahono aˈera te fenua e ua viivii roa oia i te rupehu viivii o tei faatupu i te fifi o te mahanahanaraa o te fenua. Ua paraparau noa ˈtura te fenua i te aiû iti e ua na ô atura e ua fatata roa te mau ohipa i te taui e e maitai atu to ˈna huru a muri aˈe, eiaha râ na roto i te ravea a te taata. Te tiaturiraa o te fenua, tei roto ïa i te Atua Puai hope ra, oia hoi to ˈna Poiete, o tei hamani i te fenua ia taatahia.—Isaia 45:18.”

Ua parau faahou te tamahine e: “Ua rave au i teie mau parau i roto i te A ara mai na! o te 8 no tiurai 1989; e te 8 no setepa 1989. Mauruuru no taua mau vea nei, ua noaa ia ˈu i te re matamua na roto i ta ˈu parau i papai. Ua noaa te piti o te re i te tahi hoa to ˈu, e te afai tamau ra to ˈu metua vahine i te vea na to ˈna metua vahine. Ua rave atoa mai oia i te parau i roto i teie mau A ara mai na!

“Te haamauruuru nei au ia outou no teie mau haamaramaramaraa maitatai e te papu e te ohie atoa râ o te horoa maira i te paari na matou. Ua noaa ia ˈu fatata e 100 dala marite na roto i teie re, e te hapono atu nei au i teie moni ia nenei-faahou-hia te tahi atu mau vea.”

Te manaˈo nei matou e noa ˈtu eaha ta outou faaroo, e fanaˈo atoa outou i te mau tumu parau anaanatae mau i roto i te A ara mai na!

Te hinaaro nei au e ia hapono mai outou i te vea A ara mai na! i to ˈu nei fare. (E nehenehe outou e papai atu i te vahi nohoraa a te mau amaa Watch Tower i faataahia i te api 2.)