‘Maoti o ˈna, e auraa piri roa tei rotopu ia mâua e ta mâua mau tamahine i teie nei’
O ˈna, oia hoi Ta ˈu Buka Aamu Bibilia, e te mau tamahine, te mau tamahine ïa a te hoê orometua haapii no Murewa (Zimbabwe) o tei papai i te matahiti i mairi aˈenei i te amaa a te Taiete Watch Tower. Na te hoê hoa i horoa i taua buka ra na taua vahine nei, e te faatia ra oia e:
“Mai ta ˈna i aˈo mai ia ˈu, ua tamata vau i te huti i te mea maitai o taua buka ra, na mua e ta ˈu tamahine apî aˈe, e 8 to ˈna matahiti, e i muri iho e e piti atu â, e 16 e e 18 matahiti, o te noho ra i te fare haapiiraa tuarua. Ua oaoa roa vau i te faaite ia outou e mea faahiahia mau te ohipa ta taua buka ra i faatupu i nia e toru o ta ˈu mau tamahine. Mai te taime ratou i taio ai i taua buka ra, ua maitai roa mai to ratou huru.” E te parau faahou ra taua metua vahine ra e: “Maoti o ˈna, e auraa piri roa tei rotopu ia mâua e ta mâua mau tamahine ia faaauhia i mutaa ihora.”
E nehenehe e roaa ia outou, na roto i te fare rata, taua buka ra e 256 api, hoê â rarahi e teie nei vea. E navai noa te faaîraa e te haponoraa mai te parau iti i raro aˈe mai e te tino moni ra e 130 tara. Te horoa nei taua buka ra e 116 aamu bibilia to roto, i te taata taio, i te hoê manaˈo taatoa no nia i te Bibilia. E itehia te mau aamu na roto i te hoê faanahoraa tei tuea e te tupuraa o te mau ohipa, e e riro te reira ei mea faufaa no outou no te iteraa i te faatano i te mau tupuraa i te tahi atu i roto i te Aamu. Mea rahi roa te hohoˈa i roto e ua faararahihia te papairaa.
A hapono mai na i te buka ra Ta ˈu Buka Aamu Bibilia, buka no reira vau e apiti atu ai i te tino moni ra e 130 tara.