I te tau o te Mesia e ta ˈna mau pǐpǐ

Ua haamata te mau aamu i roto i teie tuhaa i te roaraa tau 100 matahiti. I te omuaraa o teie tuhaa, e haapii mai tatou no nia ia Maria, te hoê tamahine ati Iuda haehaa o ta Iehova i horoa i te hoê hopoia faahiahia aita i horoahia aˈenei i te hoê taata. E te aamu hopea no nia ïa i te aposetolo Ioane ta Iesu i here rahi. I te tahi atu pae, e hiˈopoa mai tatou no nia i te feia itoito mai ia Ioane Bapetizo, te aposetolo Petero, Maria Magadala, Setephano e te aposetolo Paulo. Ua hinaaro pauroa ratou i te itoito i roto e rave rahi tupuraa. Ei hiˈoraa, ua parau ratou ma te itoito i te tahi atu e o Iesu te Mesia noa ˈtu aita te rahiraa o te taata i farii i te reira. Ua pee ratou i to Iesu hiˈoraa, e ua poro i te parau apî oaoa no nia ia ˈna, noa ˈtu ua haehia ratou e ua hamani-ino-hia no te reira.