A FAARIRO EI PǏPǏ
HAAPIIRAA 12
Te itoito
Faaueraa tumu: “E oaoa te aau i te monoˈi e te mea noˈanoˈa. Oia atoa te hoê hoa o te aˈo ia oe ma te haavarevare ore.”—Mas. 27:9.
Eaha ta Iesu i rave?
1. A hiˈo i te VIDEO aore ra a taio i te Mareko 10:17-22. E a aparau i teie mau uiraa:
Eaha te mau huru maitatai ta Iesu i ite no nia i te tavana apî taoˈa rahi?
No te aha e titauhia ia Iesu te here e te itoito no te aˈo i teie taata?
Eaha te haapii mai i to Iesu hiˈoraa?
2. E titauhia ia tatou ia paraparau i ta tatou mau piahi ma te here e te parau afaro ia nehenehe ratou e nuu i mua i te pae varua.
A pee i to Iesu hiˈoraa
3. A tauturu i ta oe piahi ia haamau e ia naea te fa.
A faaohipa te tuhaa “Fa” i roto i te mau haapiiraa o te buka Ia ora oe e a muri noa ˈtu!
A tauturu i ta oe piahi ia ite i te mau tuhaa titauhia ia ˈna ia rave no te mau fa no te hoê tau poto e roa.
A haapopou i ta oe piahi no ta ˈna mau tutavaraa.
4. A hiˈopoa i te mau fifi e tapea ra i ta oe piahi ia nuu i mua e a tauturu atu.
A ui ia oe iho:
‘Ia ore ta ˈu piahi e tapae i te bapetizoraa, eaha tei tapea ia ˈna?’
‘Eaha ta ˈu e nehenehe e rave no te tauturu atu?’
A pure no te ani i te itoito no te paraparau ma te here e te parau afaro e eaha te titauhia i ta oe piahi ia rave.
5. A faaea i te haapiiraa mai te peu aita e tauiraa.
Mai te peu te nuu ra te piahi i mua i te pae varua, a ui ia oe iho:
‘Te faaohipa ra anei ta oe piahi i ta ˈna e haapii ra?’
‘Te apiti ra anei o ˈna i te mau putuputuraa e te poro ra anei i te tahi atu?’
‘Mai te peu mea maoro o ˈna i te haapiiraa, te hinaaro ra anei o ˈna e riro mai ei Ite no Iehova?’
Mai te peu aita te piahi e hinaaro ra e nuu i mua:
A ani ia ˈna ia feruri i te mau mea e tapea ra ia ˈna.
A faataa ˈtu ma te mǎrû no te aha oe e faaea ˈi i ta ˈna haapiiraa.
A faaite atu eaha te titauhia ia ˈna ia rave ia hinaaro faahou o ˈna e haapii.