Te mǎtaˈu ore

Eaha ta Iesu i rave?

VIDEO: Te poro ra Iesu ia Zakaio

1. A hiˈo i te VIDEO aore ra a taio i te Luka 19:1-7. E a aparau i teie mau uiraa:

1. No te aha paha vetahi i ape ai ia Zakaio?

2. Eaha tei turai ia Iesu ia poro i te parau apî oaoa ia ˈna?

Eaha te haapii mai i to Iesu hiˈoraa?

2. Titauhia te mǎtaˈu ore no te poro i te poroi o te Faatereraa arii i te taata atoa.

A pee i to Iesu hiˈoraa

3. A turui i nia ia Iehova. Ua tauturu te varua moˈa ia Iesu no te poro, e tauturu atoa te reira ia oe. (Mat. 10:19, 20; Luka 4:18) A ani ia Iehova i te itoito no te poro i te feia e haamǎtaˈu ra ia oe.—Ohi. 4:29.

4. A patoi i te manaˈo oti noa. E taiâ paha tatou i te paraparau i te taata no to ratou huru rapaeau, tiaraa, huru oraraa aore ra tiaturiraa. A haamanaˈo râ:

1. E ite Iehova e Iesu i te aau eiaha râ tatou.

2. E nehenehe Iehova e tauturu i te taata.

5. Eiaha e mǎtaˈu, a faatura e a haapao maitai râ. (Mat. 10:16) Eiaha e mârô. A faaea i te aparauraa ia ore te taata e tâuˈa i te parau apî oaoa aore ra ia fifihia oe.—Mas. 17:14.