O vai te Atua?

Mai te tau mai â, i haamori noa na te taata e rave rahi huru atua e ruahine. Te vai ra râ te hoê Atua ‘tei rahi aˈe i te mau atua atoa.’ (Paraleipomeno 2, 2:5) O vai râ taua Atua ra? No te aha mea rahi aˈe oia i te tahi atu mau Atua? I roto i teie haapiiraa, e faaite oia ia oe o vai o ˈna.

1. O vai te iˈoa o te Atua, e mea papu anei te hinaaro ra oia ia ite tatou i to ˈna iˈoa?

I roto i te Bibilia, te faaite mai ra te Atua o vai oia. Te parau ra oia: “O vau o Iehova. O to ˈu iˈoa tera.” (A taio i te Isaia 42:5, 8.) “Iehova,” o te huriraa na roto i te reo Tahiti, o te hoê iˈoa Hebera “e faariro Oia” te auraa. Te hinaaro mau ra ïa oia ia ite tatou i to ˈna iˈoa. (Exodo 3:15) I roto i te Bibilia, e itehia to ˈna iˈoa hau i te 7 000 taime!a No reira, te iˈoa ra Iehova, no “te Atua mau i te raˈi i nia, e i te fenua i raro nei.”—Deuteronomi 4:39.

2. Eaha ta te Bibilia e faaite mai ra no nia ia Iehova?

Te parau ra te Bibilia, i rotopu i te mau atua atoa ta te taata e haamori nei, o Iehova anaˈe te Atua mau. Na te aha e haapapu? O Iehova te puai hope e o ˈna anaˈe “Tei Teitei Roa ˈˈe i nia i te fenua taatoa.” (A taio i te Salamo 83:18.) O ˈna “te Manahope,” oia hoi tei ia ˈna ra te puai e rave i te mau mea atoa ta ˈna e hinaaro. Na ˈna “i poiete i te mau mea atoa,” te ao nui e te mau mea ora atoa i nia i te fenua. (Apokalupo 4:8, 11) Aita ˈtu mai ia Iehova, i vai noa na hoi oia, e e vai â oia e a muri noa ˈtu.​—Salamo 90:2.

3. E rave rahi tiaraa iˈoa to te Atua, hoê noa râ iˈoa mau to ˈna

No te ite i te taa-ê-raa i rotopu i te tiaraa iˈoa o te hoê taata e to ˈna iˈoa mau, a pata i te VIDEO, e a aparau i te uiraa i muri nei.

VIDEO: E rave rahi tiaraa iˈoa, hoê noa râ iˈoa (0:41)

• Eaha te taa-ê-raa i rotopu i te hoê tiaraa iˈoa, mai “te Fatu,” e te hoê iˈoa?

Te parau ra te Bibilia e rave rahi atua e fatu ta te taata e haamori ra. A taio i te Salamo 136:1-3, e a aparau i teie uiraa:

• O vai “te Atua o te mau atua” e “te Fatu o te mau fatu”?

4. Te hinaaro ra Iehova ia ite oe i to ˈna iˈoa e ia faahiti i te reira

VIDEO: E iˈoa anei to te Atua? (Tuhaa video) (3:11)

• I to oe manaˈo, te hinaaro ra Iehova ia ite te taata i to ˈna iˈoa? No te aha?

Te hinaaro ra Iehova ia faahiti te taata i to ˈna iˈoa. A taio i te Roma 10:13, e a aparau i teie mau uiraa:

• No te aha mea faufaa ia faahiti i te iˈoa o te Atua, Iehova?

• Eaha to oe huru ia haamanaˈo te hoê taata i to oe iˈoa e ia faahiti i te reira?

• I to oe manaˈo, eaha te huru o Iehova ia faahiti oe i to ˈna iˈoa?

5. Te hinaaro ra Iehova ia riro oe ei hoa no ˈna

VIDEO: To ˈu imiraa i te Atua mau (8:18)

• I roto i te video, eaha te huru o Soten i to ˈna iteraa o vai te iˈoa o te Atua?

Hou oe e riro ai ei hoa no te hoê taata, e ani na mua oe o vai to ˈna iˈoa. A taio i te Iakobo 4:8a, e a aparau i teie mau uiraa:

• Eaha ta Iehova e titau ra ia oe ia rave?

• No te aha e piri atu â ˈi oe i te Atua ia ite e ia faahiti oe i to ˈna iˈoa?

HAAPOTORAA

O Iehova te iˈoa o te Atua mau hoê roa. Te hinaaro ra oia ia ite e ia faahiti tatou i taua iˈoa ra ia riro tatou ei hoa no ˈna.

Haamanaˈoraa

• No te aha i taa ê ai Iehova i te tahi atu mau atua ta te taata e haamori ra?

• No te aha e tia ˈi ia faahiti tatou i te iˈoa o te Atua?

• Na te aha e haapapu ra e te hinaaro ra Iehova ia riro oe ei hoa no ˈna?

HIˈOPOA

A hiˈopoa e pae manaˈo e papu ai ia tatou e te vai mau ra te Atua.

“Te vai mau ra anei te Atua?” (Tumu parau natirara)

No te aha e nehenehe ai e tiaturi e i vai noa na te Atua?

“Na vai i hamani i te Atua?” (Te Pare Tiairaa Tetepa 2014)

A haapii e no te aha e tia ˈi ia faahiti i te iˈoa o te Atua, noa ˈtu aita i papu mea nafea te reira i faahitihia ˈi i tahito ra.

“O vai o Iehova?” (Tumu parau natirara)

E mea faufaa anei e nafea tatou e pii ai i te Atua? A hiˈo e no te aha e nehenehe ai e parau e hoê noa iˈoa mau to ˈna.

“Ehia iˈoa to te Atua?” (Tumu parau natirara)