HAAPIIRAA 15

A horoa i te manaˈo ma te papu

Tesalonia 1, 1:5

TE FA: A faaite e te tiaturi ra oe mea papu e mea faufaa ta oe e parau ra.

A faaineine maite ia oe. A hiˈopoa i te tumu parau ia taa roa oe mea nafea te mau irava Bibilia e haapapu ai i te mau manaˈo faufaa. I muri iho, a faataa na roto i te tahi noa mau parau ohie ia taa e nafea te reira e tauturu ai i te taata. A pure no te ani i te varua moˈa.

Ma te reo puai, a rave mai te mea ra e te horoa ra oe i ta oe tumu parau. E mau maitai ïa te mau manaˈo i roto i to oe feruriraa e e faahiti oe i te mau parau ma te papu.
A paraparau ma te papu. Eiaha e taio noa i tei papaihia, a faataa râ na roto i ta oe iho mau parau. A maiti i te mau parau o te faaite ua papu ia oe i ta oe e parau ra.
A horoa i to oe manaˈo ma te papu e te haavare ore. Ia tano noa te puai o to oe reo. E ere anaˈe i te mea huru ê, a hiˈo i te feia e faaroo ra ia oe.

E ere râ te auraa e hue noa i te parau, e faaite i te manaˈo etaeta aore ra e faahepo ia vetahi ê ia manaˈo mai ia oe. E nehenehe hoi e paraparau ma te papu na roto i te here.