Faahopearaa

Aita anei oe i manaˈonaˈo i te mau taime maitai ta oe i ite e to Iehova nunaa, i te tahi mau faaitoitoraa i te putuputuraa, i te hoê tairururaa faahiahia mau, i te hoê tupuraa au mau i roto i te taviniraa aore ra i te hoê aparauraa oaoa e te hoê hoa Kerisetiano? Aita oe i haamoe ia Iehova, e aita atoa Iehova i haamoe ia oe. Te haamanaˈo ra oia ma te î i te here i ta oe taviniraa taiva ore. E te tiai ru nei oia i te tauturu ia oe ia hoˈi mai ia ˈna ra.

Te parau ra Iehova: “Na ˈu iho nei e imi i tau mau mamoe, e ia itea ˈtu ratou [aore ra e aupuru ia ratou]: mai te tiai e imi i ta ˈna nǎnǎ, tei roto oia i ta ˈna nǎnǎ i purara ê ra; e na reira atoa vau i te imi i ta ˈu nǎnǎ, e [e] faaora [vau] ia ratou i te mau vahi atoa i purara ˈi ratou.”—Ezekiela 34:11, 12.