E ore roa anei te mauiui?

TA TE BIBILIA E PARAU RA

“E tamǎrô [te Atua] i te mau roimata atoa o to ratou mata. E ore roa te pohe, e ore atoa te oto e te auê e te mauiui.”—Apokalupo 21:3, 4, Huriraa o te ao apî.

EAHA TE AURAA NO OE?

Te haapapuraa e ere te Atua te tumu o to tatou mau fifi.—Iakobo 1:13.

Te tamahanahanaraa i te ite i to te Atua huru aau a mauiui ai tatou.—Zekaria 2:8.

Te tiaturiraa e e ore roa te mau mauiui atoa.—Salamo 37:9-11.

E NEHENEHE ANEI E TIATURI I TA TE BIBILIA E PARAU RA?

E. Teie e piti tumu:

• Mea riri na te Atua te mauiui e te ohipa tia ore. A hiˈo na i to Iehova huru a hamani-ino-hia ˈi to ˈna nunaa i tahito ra. Ia au i te Bibilia, ua haapeapea o ˈna no to ˈna nunaa no “te feia . . . e hamani ino ra ia ratou.”—Te mau tavana 2:18.

  Mea riri roa na Iehova te feia e haamauiui ra ia vetahi ê. Ei hiˈoraa, ia au i te Bibilia, te riri nei o ˈna i “te rima o te haamanii i te toto hara ore.”—Maseli 6:16, 17.

• Te tâuˈa ra te Atua ia tatou taitahi. Ua ite te taata taitahi i “to ˈna iho ati e to ˈna iho mauiui.” O Iehova atoa ïa!—Paraleipomeno 2, 6:29, 30.

Maoti ta ˈna Faatereraa arii, fatata Iehova i te faaore roa i te mauiui o te taata taitahi. (Mataio 6:9, 10) A tiai ai râ, te tamahanahana nei oia i te feia e imi ra ia ˈna.—Ohipa 17:27; Korinetia 2, 1:3, 4.