E tia faahou iho â anei te feia pohe?
E parau anei oe . . .
e?
eita?
peneiaˈe?
TA TE BIBILIA E PARAU RA
‘Te vai ra te tia-faahou-raa.’—Ohipa 24:15, Huriraa o te ao apî.
EAHA TE AURAA NO OE?
Te tamahanahanaraa ia pohe tei herehia.—Korinetia 2, 1:3, 4.
Te tiamâraa i te mǎtaˈu i te pohe.—Hebera 2:15.
Te tiaturiraa e farerei faahou i te feia herehia i pohe.—Ioane 5:28, 29.
E NEHENEHE ANEI E TIATURI I TA TE BIBILIA E PARAU RA?
E. Teie e toru tumu:
O te Atua te Tumu o te ora. Ia au i te Bibilia, o Iehova iho â “te ora.” (Salamo 36:9; Ohipa 17:24, 25) I te mea e na ˈna i poiete i te mau mea atoa, eita anei ïa ta ˈna e nehenehe e faahoˈi mai i te feia pohe i te ora?
Ua faatupu ê na te Atua i te tia-faahou-raa na mua ˈˈe. I roto i na vaˈu faatiaraa o te Bibilia, ua tia faahou mai te feia apî, ruhiruhia, tane e vahine i te fenua nei. No pohe noa ˈtura vetahi area te tahi e maha ïa mahana i roto i te ana!—Ioane 11:39-44.
Te ru nei te Atua i te na reira faahou. E enemi te pohe no Iehova, mea au ore roa ïa na ˈna te reira. (Korinetia 1, 15:26) Te hinaaro ru ra oia e upootia i nia i tera enemi ma te faaore i te pohe maoti te tia-faahou-raa. Te tiai ru nei oia i te na reira no te feia ta ˈna e haamanaˈo ra a nehenehe atu ai ratou e ora faahou i te fenua nei.—Ioba 14:14, 15.