Ia here atu â te tahi i te tahi

1. I roto to tatou aau

E tupu ai te here mau,

Te aroha i te taeae

E te tuahine.

E faaite anaˈe hoi

To tatou aau horoa,

To tatou here rahi mau

Mai te Atua ra.

Hamani maitai anaˈe

I te feia roto te fifi

Ma te pˈrau e ohipa

Te mau taime atoa.

Ia matau hoi tatou nei

Te faatura te aupuru,

Ma te here maite noa

I to tatou mau taeae,

Ia hoê noa tatou.

2. Ia puai mau â te here,

Ore tatou inoino,

Tiaturi râ i te taeae

E te tuahine.

E hoa mau hoi tatou,

Here nei te tahi i te tahi,

E ruru oaoa nei

Ia itoito â tatou.

E hapa iho â tatou,

E hamani maitai anaˈe râ

Te feia herehia

E to tatou Atua.

E haafaufaa maite anaˈe

I to tatou auhoaraa.

Ia itehia te here,

Hanahana Iehova,

Here anaˈe mai ia ˈna.